Den groeyenden Lierschen blom-hof

(1650)–Cornelis de Bie– rechtenstatus



[pagina 132]
Besluyt-Liedeken tot de neghen Musen,
Op de wijse: Robertin, &c. O Lock-lust vande min Heerscher van mijnen sin O pronckxsel vande rijme const Neemt doch in danck mijn aengheboden jonst Mijn jonst in desen hof Beset tot uwen lof In wie dat wordt ghehoort Der Musen soet accoort: Mijn offer-dienst neemt aen In dees loof-rijcke baen Alwaer dat veele schoone blommen staen. Dit mijn onprijsbaer schrift Met slechte const door grift Het geen in desen blomhof groeyt Nu met u gunst by Helicon besproeyt Alwaer u soet geluyt Weder-galmigh uytspruyt Daerom in dancke neemt Dit boeckxken, en bestemt Oft t'selff aen u behaeght, Nu t'samen mede draeght Maer eerst den sinneloosen Nijt verjaeght.
[pagina 133]
Polymny reden-rijck Neempt dit dan danckelijck Reyn Calliope wel ghesticht Over-siet mijn cleynmoghende ghedicht, K'en speur naer gheenen naem Als Clios kinders t'saem Die door haer eer ghesucht Creghen veel onghenucht. Mijn wercken vrolijck siet Ghy sult hier vinden niet Swaere ghesanghen oft treurich verdriet. Adieu schoon Musa dan Ick treckt mijn hant hier van Poaesis edel beschrijf schacht Haer letter niet met lasteringh versmacht Uyt enckel liefde maer Brenghe in openbaer Tot stichtingh aende jeucht Tot lof van suyver deucht En tot veel sondens spijt Daerom dit niet en mijdt Al ist dat Waerheydt baert twist en Nijdt. FINIS.