en niet licht dolen, wat is vanden natuer der saken die wy soo diep willen ondersoecken, die maer sijn leven wel weet te gebruycken, die can langer leven als die t'selve door al te hoogh vliegen sal misbruycken, want de eergiericheyt vercort door de sorgh de jaren, den onverdraeghelijcken arbeyt benempt de cracht van 't leven, den overdaet berooft de ghesontheyt, en soo voorts sal elcken besonderen drift, en begeerte tot iet dat niet en is, den mensch (die selfs oock niet en is, en meynt iet te wesen) soo dapper op de hielen sitten, dat hy al dickwils voor den tydt vercort en benemt sijn leven, en jaeght de siel naer de duysternis. Non exiguum temporis habemus, sed multum perdimus, non accepimus brevem vitam sed fecimus, Al dat wy hier op dese werelt betrachten, is van luttel tydt en min als niet, modicum & nihil, weynich en niet, t'gene my heeft verlockt om t'selve te beschryven, sulcx sal den Leser my en myn beschryf oock min als niet achten, om dat wy op dese werelt niet als naer niet en trachten, niemant en sal hem oock mogen aentrecken, t'gene daer-on tot onderwysinge oft berispinge sal gevonden worden, want die niet schorft is, en moet den cam niet vreesen, ick ken my voor den grootsten sondaer vol gebreken, en wenschende door eygen kennis de selve te beteren, want aenmerckende dat alle dinghen voor weynich tydt gesien wordt, en naer het schuyven der gordynen des levens, de selve dinghen als roock verdwenen sijn. Moduum videbitis me & modicum non videbitis me, een luttel tyds sulde my sien, en een luttel tydts en sulde my niet meer sien. Een vrou heeft droefheyt als sy baert, en dat haer
Auteursrechtvrij