Vrung va Oze Leve Hier

[p. 49]

Krisnach bie os in Limburg

Vuer Vader Bissjop, dae zoeväöl hilt van os magnifiek dialect.

Oèt loèter hièmelsjtilte geit God de Vader dit jaor de Krisnach make baove de erm bedreufde welt. Hae wièd häör plechtig mit der wièwaterskwas van Zieng goodheid en mit et wièrouksvaat van Zieng leefde. Vuer-vonke sjpringe droèt en bleuje wiè sjtarre a gen hièmel, want dit is toch de Krisnach, de ièuwig gezaegende dat Maria os wir et Herregödje kump bringe. Driftig-gaw stjièbelt et mager aezelke achter der wandelkuel van Sint Joezep Limburg binne. Os Limburg, diamante ländje van Herregods oetverkezing; gaar oèt neet de geringste onder de aelf provinciën van Nederland, want dao wilt Slevevruike dees Krisnach et Kinneke lange aan de bedreufde welt.

Dankentaere baent zich Maria wir eine gans-nueje Magnificat. Wie väöl Ziè der al op Heur aezelke baende van Nazareth bis Wielder, Maria waet et neet.

Nog ei sjtief viedelurke vlot taffele durch der sjniè en et heilig Truepke sjteit vuer eing aope sjuerpôwt op Wielder-haof. En in die sjuer, in os Limburger land, et land van Sint Servaos en de Sjterre der Zee, et land van Gerlachus en Hubertus, et land van magnifieke Heilige en van os, erm zondare, wilt et Kriskinneke, et ièuwig Hièmnelprinske komme raste op get ermzièlig sjtrue.... Erm sjtrue? Nae, rièk sjtrue! Gowwe sjtrue, dat nog ruek nao der zoèmer i ge veld. Roè-versjlakte kolblomme¹⁾ vlamme nog hiè en dao dertussje durch; gaon wir laeve noë.... bloodroèd, vol leefde.

Limburger luej, noè is dan de oer gekomme dat God de Vader zich et allersjoènste Kinneke geit gelie²⁾ op de witte welt. Dao kump Hae oèt der hoège hièmel-zaal getrampeld uever der Kuiteberg nao onge durch et sjmaal Muelegätske hin. Alle Ingele en Heilige laope mit. Koèrkapper en hièmelmantele gaon op en neer langs de Limburger berg. De Ingele drage i gen heng de vonke van de sjtarre en ede goodheid van os land, umdet God auch dit jaor de welt zoè forsj leef haat datter et wir Krismis

1) papavers.

2) koopen.

[p. 50]

leet waede in eing aw sjuer op Wielder-haof. Op eing handvel³⁾ sjtrue lièk dao ein hièmels Kinneke te lache nao God en alle luej. Maria, de allerzueverste, haat Heur Kinneke in eing aw kôrewan gelag, die dao op Wielder-haof e gen moèr hing, in eing kôrewan mit et sjtrue en de kolblomme van os Limburg. Dan lucht Zie de wan mit et Herregödje i gen loch nao et lachentaere gezich van God de Vader. In Zièn ièuwig allergroètste hièMelgelök buigt Dae zich uever Zie Kinneke hin. Ziène awwe, zilvere baad jeugt taege et klei gezichske. Et Kriskinneke Zieng hennekes sjnappe zich drin vas. En aan et oèr van God de Vader zaet et klei Waereldkueningske sjtillekes, en zaet Slevevruike: ‘God de Vader, um wille van Os allebeits: Ich, Eur Kinneke en Ich, Ziè Möderke, laot de Ingele en de Heilige noè estebleef wir zinge: Gloria in excelsis Deo et in terra.... pax!’

3) handvol.