Uan de belegheringhe der Stadt Grolle, in den jare 1606.
[1606.] NAe het in-nemen van Lochum heeft Spinola ettelijcke daghen versleten met te loeren waer hy best eenen inval soude connen doen/ om de Gheunieerde Provincien te beschadighen/ ende sijn Excellentie een voor-deel af te sien. Doch eyndelijck is hy op den derden Augusti met sijn Legher voor Grol ghecomen/ daer de Colonel Dorth Gouverneur binnen was/ by sich hebbende over de duysent Soldaten/van verscheydene Natien. Den thienden Augusti heeft Spinola twee halve manen van de buyten-wercken in-ghecregen/die hem diere stonden/want daer waren aen sijner sijde welses hondert soo doode / als ghequetste/ ende onder de selfde eenighe van grooten naem ende qualiteyt. Spinola gheen volck sparende/ is den op xiii. Augusti geraeckt in de grachten/ ende soo voort aen de wallen der Stadt/ onaenghesien alle de teghen-weere die de belegherde deden/ met haren vyandt handt aen handt vechtende. Spinola heeft aen verscheydene oorden de borstweeringen der Stadt af-gheschoten/ende was dapper doende om de wallen der Stadt te sapperen/ende den belegerden hare minen te schande te maken. Doe hy vernam / dat sijn Excellentie met het Legher van Zutphen op Doesburgh marcheerde/so heeft hy wel vermoedt/ dat sijn Excellentie soude poghen hem in het Legher te vallen/ende te doen op-breken: Derhalven so heeft hy/om dat perijckel niet te verwachten/ met aller macht de Stadt seer furieuselijck aenghetast/ ende den xiiii. heeft hy sich met sijn Legher voor de Stadt in slacht-ordre gestelt /veerdich staende om eenen generalen assault te doen. D'welck de Borgherije siende/so hebben sy eenpaerlijck den Gouverneur ghebeden/dat hy doch met appoinctement de Stadt woude overgeven/ eer sy met gewelt overvallen zijnde/lijf en goet verliesen souden. De Colonel
dit [1606.] bidden en schreyen in achtinge nemende/ende ooc aensiende dat den vyandt hem so nae gecomen was/ dat hy den storm qualijck soude connen af-slaen/heeft op den xiiii. Augusti met een goet appoinctement de Stadt over-ghegheven. Het Crijchs-volck isser uytgetrocken/met vliegende Vaendels/met bagge ende baggagie/ ende men heeft haer waghens bestelt om hare baggagie ende ghequetste tot Zutphen te voeren/ daer sy den xv. ontrent de noene zijn aen-ghecomen/ ende den Gouverneur is op Doesburgh ghetrocken/ om sijn Excellentie van alles rappoort te doen. Den Burgheren was twee maenden ghegheven om haer te beraden/ of sy blijven wouden/ ofte vertrecken. Den meesten deel isser ghebleven.
Nevens andere Compagnien die binnen Grol gheleghen hadden / was eene van de Walen die Geertruyen-Berghe hadden over-ghegheven/die wel uyt het verdrach niet ghesloten en waren/nochtans vreesende datmen haer gheen woordt houden en soude/ soo hebben sy haer Vaendel van de stangh ghereten/ ende sy hebben haer onder andere Vaendelen ghesteken/ ende alsoo zijn sy daer uyt gheraeckt. Jn het uyt-trecken heeft het garnisoen ende de Burgers die mede uyt-trocken / als insonderheyt de Predicant Ioannes VVighelius groote schade geleden/de Spaensche eenighe waghens en karren met goet gheladen beroovende/teghen het contract ende belofte/d'welck nochtans den Velt-Oversten niet geweten en wiert/ maer de onghebondenheyt eenigher Soldaten.
Dese belegheringhe is wel cort/maer scherp af-geloopen/alsoo datmen achtt/dat Spinola, gheduyrende de weynich daghen des beleghs/ aldaer wel acht ofte neghen hondert Man te schande gemaeckt heeft/
Auteursrechtvrij
