Hoe sijn Excellentie met sijn Legher van de Philippine door Vlaenderen op Nieupoort ghetrockenis.
[1600.] DEn xxiii. is het geheele Legher van de Philippine op-getrocken nae Assenede, een Dorp niet verre van 'tSas van Gent gheleghen/ alwaer d'avant-guarde een Casteelken met met veertich Soldaten besett/ in-ghenomen heeft. De vyandt hadde opinie dat sijn Excellentie daer gecomen was om het Sas van Gent te belegerē/daerom heeft hy ontrent seven hondert Soldaten uyt de Schansen voor Oostende gelicht/ ende daer mede het garnisoen binnen 'tSas versterct. Den xxiiii. is sijn Excellentie des morghens vroech met het Legher te Assenede op-ghebroken/ende getrocken nae een groot Dorp gheheeten Eeckeloo, tusschen Gent en Brugghe gheleghen. Den xxv. is het Legher ghetrocken van Eeckeloo tot Male by Brugghe/van daer om her veele beesten/oock eenighe menschen/ghevanckelijck halende ende in het Legher brenghende. Den xxvi. is sijn Excellentie ghemarcheert nae het Dorp Iabbeke, latende sijn Legher so dichte onder de Stadt van Brugghe trecken/ alsmen met het Canon conde afreycken/ doch die van Brugghe / hoe fel sy gheschoten hebben/soo en hebben sy maer eenen Mensche geraeckt/ zijnde een van sijner Excellentie Muletiers. Den xxvii. Iunij heeft sijn Excellentie vernomen/ dat den vyandt de Schanse te Oudenburgh verlaten hadde/ de welcke hy stracx met twee Compagnien Soldaten besett heeft. Die op de Fortressen te Plassendale ende Bredene laghen/ verliepent oock / eer sy haren vyandt saghen / achter-latende haer Gheschutt. Een groot deel des Leghers is dien avondt binnen Oostende ghecomen.
De Boeren ende Huys-lieden waren over al verloopen/ ende hadden haer hier en daer in de vervallene huysen ende Bosschagien versteken/ onaenghesien dat de Baron Peter Sedleniski Sergiant Major van 'tgheheele [1600.] Legher, met eenighe Ruyteren ghedruckte billietten alomme voor uyt ghesonden ende ghestroyt hadde/den Huys-lieden belovende dat haer gheen leet aen-ghedaen en soude worden/indien sy de Soldaten victualie ende noodruft wouden brenghen / welcke haer soude betaelt worden: Maer ter contrarie doende/dat sy te verwachten hadden dat hare huysen souden in brande ghesteken worden. Maer het sy dat de Boeren dese billietten niet ghecreghen en hebben/ of dat syse al willens verworpen hebben / immers daer en is niemandt by huys ghevonden / maer een yeder heeft hem versteken; Waer yemant van sijner Excellentie Leger achter bleef/ofte een weynichsken van den wech af-dwaelde / hy was Man of Vrouwe / daer saten de Boeren stracx achter ende sloegense doodt: Waer deur de Soldaten ghetercht zijnde/ vast over al den rooden Hane lieten craeyen/d'welck sus anders niet en soude gheschiedt zijn. Op desen tocht was wijn en bier seer diere / want het moest al over d'Asse nae ghevoert worden: Maer het vleys was goeden coop/ want Koeyen en Schapen liepen in het velt/als niemandt toe-behoorende/ wiese maer aen-taste dien quamen sy toe / ende wierden ghecocht voor eenen grijp-penninck. Als het Legher te Assenede ghecomen was/soo coste een pot biers ses stuyvers/te Eeckeloo 12. stuyvers / te Male ende Jabbeke 18. ooock 20. jae 26. stuyvers. Daer zijn op desen tocht drie Koeyen ghepresenteert voor eenen pot viers te gheven. Tot Male is een Koe vercocht voor eenen stooter/ de welcke ghemolcken zijnde / soo gaf de vercooper drie stuyvers voor de melck.
De Grave van Solms heeft met acht Compagnien Ruyteren ende vijf Regimenten Voet-volcx/ op
Auteursrechtvrij
