Afbeeldinge ende beschryvinghe van alle de veldslagen, belegeringen ende and're notabele geschiedenissen ghevallen in de Nederlanden

Geduerende d'oorloghe teghens den coningh van Spaengien: onder het beleydt van den Prince van Oraengien, ende Prince Maurits de Nassau

Het stercke Casteel van VVovwe wordt van den Franschen Mareschal de Biron beleghert ende ghewonnen/den thienden dach Maij, Anno 1583.

[1583.] NAe dat Parma de Stadt van Eyndoven vermeestert ende inghecreghen hadde/soo is de Mareschal van Biron met sijn Legherken getrocken nae het stercke Casteel van Woude/ een mijle weechs van Berghen op Zoom gheleghen/ toe-behoorende den Marquis van Berghen, die eenighe dagen van dit Casteel getrocken ende verhuyst was/ eer Biron daer vooren quam. Daer laghen in dit Casteel [1583.] hondert en twintich of dertich Jtalianen/ ende ontrent hondert vijftich Boeren/met geweer en wapenen tamelijck wel versien. Biron heeft sijn Geschutt voor dit Casteel gheplantt/ende heefter op geschoten vijfthien hondert scheuten met grof Gheschutt. Hier mede was weynich uytgherichtt/ de bresche dieder

[p. 435]

(150)

ARX quadrata situ, medijs WOUDA innatat undis,

Magni flammigeros BIRRONIS senserat jgnes,

Nec perferre potis, patefecit perfida portas,
Displicuit Comiti Parmēsi, et punit jnertes,

[p. 436]

[1583.] geschoten was/en was neghens nae soodanich/datmender hadde durven eenen storm op aenbrenghen. Maer de vreese van met stormender handt over-vallen ende inghenomen te worden/is even wel so groot gheweest by de belegherde/ dat sy gheparlamenteert hebben/ haer over-ghevende in handen van Biron, midts dat het Crijchs-volck uyttrecken soude/ alleen met rapier en ponjaert / d'welck gheschiet is op den thienden dach van Mey/ Anno 1583. Alle de Boeren die daer binnen waren/ zijn ghevanckelijck ghenomen/ende op groot rantsoen ghesett/uytghesondert die/welcke haer in dienst der Staten begeven hebben.

Den Jtaliaenschen Capiteyn die op dit Casteel [1583.] ghecommandeert hadde/ is van Parma voor eenen Verrader gescholden/ende hy heeft hem binnen Breda laten den cop af-houwen: Daerom heeft het Parma des te meer verdroten dat dit Casteel so haest was overghegheven/om dat hy alle ghereetschap maeckte om het selfde gewapender handt te ontsetten/hopende Biron daer een merckelijck af-breuck te doen/ende de Landen tot de uyterste desperatie te brenghen/als hy haer vast al het Crijchs-volck / d'welck sy te velde conden brenghen/soude afgheslaghen hebben. Maer dit en heeft Godt soo niet belieft.