[1570.] soo antwoorde Sylla, Hoc agamus, Patres conscripti, pauculi seditiosi meo jussu puriuntur, dat is/ Mijn Heeren, verschrickt niet, laet ons onse saken voorts afhandelen, daer en is gheen swaricheyt, daer worden een weynichsken moetwillighe boefkens door mijnen last ende bevel ghestraft.
Vele hebben oock ghepresen Duc d'Alvens cloeckheyt ende finesse in het behendich ende cloeck beleydt deser sake: Maer dat hy teghen sijnen eedt ende belofte ghedaen heeft/ als oock Lodron, dat en achten sy niet. Jmmers het was een rechte Spaensche streke/gelijck eertijts de Paus Alexander VI. een Spaenjaert / gheordeelt heeft /dat sijnen Sone Caesar Borgia oock gedaen hadde/ die eenighe Heeren/aen de welcke hy met ghewelt hem niet wreken en conde/ onder schijn van vriendtschap in sijn ghewalt ghecreghen hebbende / heeft laten vermoorden / teghens sijnen eedt ende ghedaene beloftenisse: D'welck sijnen Vader Alexander VI. vernemende /soo sprack hy tot sijnen Sone/ Daer hebt ghy een stuck ghedaen, dat eenen Spaenjaert betaemt.
Doch de Duytsche hebben dese meyneedicheyt ende liftighe bedriegherije in Duc d'Alve ende Lodron seer mispresen/ dese verskens daer van schrijvende: [1570.]
Die Teutsche knecht zu Valencein
VVolten (vvie billich) bezalet sein,
Drum sie Lodron iren Haut-man
Bei sich gfencklijck behalten han.
Bezalt sie doch, und hy verspricht
Frid, gloub, und travv, die er zerbricht:
Vnd mit grosser verretterei
Auff die fleis-banck libert er sei.
Doch dit is oock veler onder dese Duytsche ende Grisons rechten loon ende rechtveerdighe straffe gheweest / ten dien aensien/ dat haerder vele / kennisse van de Religie hebbende / den Spaenjaert teghens de Religions-verwanten ghedienet hebben; Soo datmen haest soude moghen segghen / dat dese lieden den Duyvel om gelt dienen, die haer dan oock cyndelijck loont. Maer den Grave van Lodron heeft ghedaen nae de oude lesse /diemen in de boeve-schoole leert.
Iura, perjura, secretum prodere noli,
Auteursrechtvrij
