De warachtighe historie van doctor Johannes Faustus
(2004)–Carel Baten–
Auteursrechtelijk beschermdNu volcht hier wat Doctor Faustus in zijn leste jaer zijnder verschrijvinghe met zijnen geest ende met meer andere ghehandelt heeft, welcke was in het 24e jaer zijner verschrijvinghe. | |
[Folio 52v]
| |
Van Doctoris Fausti testament, in hetwelcke hy zijnen dienaer Wagheneraant. tot synen erfgename maeckt.DOctor Faustus hadde binnen dese XXIIII jaren zijner verschrijvinghe eenen jonghen knecht opghevoet die te Wittenberch studeren soude. Dese sach alle de aventuren zijns meesters die hy overal bedreven hadde. Deselve was eenen oolicken guyt die tot Wittenberch ginc bedelen, welcke niemant vanweghen zijner boosheyt en begeerde aen te nemen. Desen voorszeyde knecht, met name Waghener, was des Doctor Fausti dienaer. Hy schickte hemGa naar margenoot1 seer wel by hem, sodat hem Doctor Faustus daerna zijnen sone noemde. Hy slempte ende dempteGa naar margenoot2 met hem. Als nu den tijt met Doctor Faustus verloopen was ende te eyndighen quam, soo ontboot hy tot hem eenen notariumGa naar margenoot3. Daertoe oock sommighe magistros die veel met hem hadden ommeghegaen ende hy maeckteGa naar margenoot4 zijnen dienaer het huys, gestaen ende gheleghen by de ijseren poorte in de Schergasse aen de rinckmueren. Item noch maeckte hy hem 1600 gulden, welcke hy op rente hadde, een lantgoet dat achthondert gulden weert was, seshondert gulden in ghereedenGa naar margenoot5 ghelde, een gouden keten die driehondert croonen weert was, alle zijn silverwerc dat hem so hier soo daer van groote heeren ende edelluyden geschoncken was, ende insonderheyt hetghene dat hy uut het hoff des paus ende des Turcken gebracht hadde, hetwelcke in de duysent gulden weert was. Anders en wasser niet vele aen havelicke goedenGa naar margenoot6, mits dat hy niet vele thuys ghewoont en hadde, maer dach ende nacht in vreemde herberghen ende by de studenten ghevreten ende ghesopen hadde. Dit was het inhout zijns testaments. |
|