Naszousche lauren-kranze

Clarus Bonarscius in Amphitheatro honoris, &c. lib. 3. cap. 8. Editionis secundae, hoc Romanum mysterium Carmine plenius hoc pacto reddidit.
Ad Divam Hallensem, & puerum Jesum.

HAEreo lac inter meditans, interque cruorem:
Inter delitias Vberis, & Lateris.
Et dico (si fortè oculos super Vbera tendo)

Diva Parens Mammae gaudia posco tuae.

Sed dico (si deinde oculos in Vulnera verto)

O Iesu! Lateris gaudia malo tui.

[p. 52]

 

Rem scio. Prensabo, si fas erit, Vbera dextrâ:

 

Levâ prensabo Vulnera, si dabitur.

 

Lac Matris miscere volo cum sanguine Nati:

 

Non possem Antidoto nobiliore frui:

 

Vulnera restituent turpem ulceribus mendicum,

 

Testa cui saniem radere sola potest.

 

Vbera refficient Ismaelem sitientem,

 

Quem Sara non patitur, quem neque nutrit Agar.

 

Illa mihi ad pestem procul & procul expungendam:

 

Ista mihi ad longas evalitura febres.

 

Ira vomit flammas fumatque libidinis AEtna?

 

Suffocare queo sanguine, lacte queo.

 

Livor inexpletâ rubigine saevit in artus?

 

Detergere queo lacte, cruore queo.

 

Vanus honos me perpetuâ rubigine tentat?

 

Exsaturare queo sanguine, lacte queo.

 

Ergò Parens, & Nate, meis advertite votis:

 

Lac peto, despereo sanguinem, utrumque volo.

 

Parvule maternis medijs qui ludis in ulnis.

 

Qui tua jam comples ubera, jam vacuas;

 

Quid me respectas oblique tuentibus hirquis?

 

Roboris in coelum nil habet invidia.

 

Saepe quidem dixti, noxis offensus iniquis:

 

Tune meas mammas, improbe, tune meas?

 

Nolo tuas ô nolo tuas, Puer auree, mammas:

 

Non sum tam duri tam gravis oris homo.

 

Sed tantum lateris pluat unica & unica stilla,

 

Et saltem à dextra vulnere gutta pluat.

 

Si nihil è dextrâ vis impluere, implue laevâ:

 

Si nihil è laevâ, de pede sanguis eat.

[p. 53]

 

Si tibi non placeo, vulnus mihi vulnera danto:

 

Mercedem danto vulnera, si placeo.

 

Saepe mihi Babylon paterâ propinat, & auro,

 

Ingeminatque meis auribus: euge, bibe.

 

Non faciam, vel si coelum miscebitur orco,

 

Non faciam, meretrix impia, non faciam.

 

O sitio tamen! ô vocem sitis intercludit!

 

Nate cruore sitim comprime, lacte Parens:

 

Dic Matri: meus hic frater sitit, optima Mater:

 

Vis de fonte tuo promere, deque meo?

 

Dic Nato: tuus hic frater mî mellee Fili,

 

Captivus monstrat vulnera: lytron habes.

 

Ergò Redemptorem monstra te jure vocari,

 

Nobilior reliquis si tibi sanguis inest.

 

Tuque, Parens, monstra Matrem te jure vocari,

 

Vbera si reliquis divitiora geris.

 

O quandò lactabor ab ubere, vulnere pascar!

 

Delitijsque fruar mamma latusque tuis!

 

Parce Deus magno si te clamore fatigem,

 

Non potis imperio, non potis arte regi.

 

Exagitante siti patientia perdit habenas:

 

Clamores si vis tollere, tolle sitim.

 

Pluris ego clavis: saturasti sanguine clavos,

 

Lanceaque erubuit sanguine tincta tuo.

 

Pluris ego pannis: maduerunt undique panni,

 

Nati à vulneribus, Matris ab uberibus.