Beschryvinge ende lof der stad Haerlem in Holland

Honori D. Samveli Ampzingio,
Ecclesiasti Harlemensi,
Patriae suae Descriptionem & Encomium Vulganti.

ILlustres animas, & magnis pectora rebus

Nata, tulit Latium, Grajaque terra tulit.

Non sterilis Batavum tellus: habuistis Athenae:

Iam Batavus priscae munera gentis habet.

Quantus es Ampzingi! Tarpejas deijcis arces,

Dum trahis, & sacro nectare pascis oves.

Quàm tibi relligio, quam Christi Ecclesia curae est!

Et Patriae fastis non minus invigilas.

Harlemi laudes, priscaeque insignia gentis

Ad numeros revocas, Pindaricosque modos.

Et simul absque metris opus hoc, ut carmine, condis,

Pindarus ingenio, Tullius eloquio.

Ejà age, macte heros! Te Patrem Ecclesia gaudet:

Te Civem jactat Patria grata suum.

Amoris ergò ludebam

Iohannes Ivnivs,

Ecclesiastes Aszendelphensis.