Beschryvinge ende lof der stad Haerlem in Holland

In hoc nostrae Civitatis Encomium, & Encomiasten.

QVIS nostram dignis extollet honoribus urbem?

Hanc quisnam meritâ dicere laude valet?

Quae Batavos inter Proceres vota altera profert;

Quae Kinheimariae est splendida Metropolis.

Tanta cui veterum, rerumque indago novarum?

Cujus tam largum flumen ab ore ruit?

[fol. ???4r]

 

En id magnanimo conatu Ampzingius audet,

 

Sacro natalis raptus amore soli.

 

Audet, & egregijs praestat successibus ausum,

 

Ingenij & genij dexteritate sui.

 

Hic spectare licet vigili congesta labore,

 

Nostrati & nitido carmine proposita;

 

De tenui exortu, & fęlicibus incrementis

 

Vrbis, quae Fasti commemorant veteres;

 

Quaeque ejus praesens facies, tractusque propinqui,

 

Debita notitiae posteritatis habent.

 

Sic nomen Vatis Patriae cum nomine claret,

 

Sic canit in Patriae laude Poëta suam.

 

Ergò ipsi, Cives, nunquam pereuntis honoris

 

Nectamus gratâ laurea serta manu.

HENRICVS GEESTERANVS,

Collega Auctoris.