Die Rose van Heinric van Aken
(1976)–Hein van Aken–
Auteursrechtelijk beschermdII.Een groot fragment van 1200 verzen werd door H.J. Leyser op de Leipziger UniversiteitsBibliotheek ontdekt als schutblad van een in de XVe of in het begin der XVIe eeuw gedrukt rechtsgeleerd werk. Het geheel bestond uit 4 pergamenten bladen in 4o. Enkele stukken er van zijn medegedeeld in Mones Anzeiger, IV Jahrgang, 201, door von Soltau. Zie nader de Inleiding. I.
1[regelnummer]
Ga naar margenoot+Doe de werelt hier toe was comen,Ga naar voetnoot5
Gelijc dat gi hier ebt vernomen,
So ginc elc gadren, jonc ende out,
Gesteente, zelver ende gout,
5[regelnummer]
Dat tevoren was ombekent,
Ende daden maken facelment,Ga naar voetnoot6
Potte ende nappe, rike ende diere,
Ende ander sconeit meneghertiere,
Hechtsele, gordele, diere cronen,
10[regelnummer]
Met precieusen steenen sconen,
Ende menegen hobant wel gedaen.
Sijnt daetsi penege ende munte slaen,
Also den volke nutte dochte,
Daer elc mede copen ende paien mochte
15[regelnummer]
Ende vercopen in allen steden;
Hier na daetsi wapene smeden,
| |
[pagina 248]
| |
Ga naar margenoot+Sverde, knive ende aucotoene,
Halsberge, coucen, auberioene,
Curien, helme ende beckineele,
20[regelnummer]
Bogen, selscutte ende quareele,
Ghisarmen, glavien ende piken,
Daer elc sinen viant mede doet wiken.Ga naar voetnoot1
Sint ghingsi graven ende vesten,
Ende maecten mure ende starke vesten,
25[regelnummer]
Daer binnen casteele, porten, borghe,Ga naar voetnoot2
Want elc die rike was adde sorghe
Te verliesene sijn bejach.
Noit sider oec, no nacht, no dach,
Dat si der rikeit ende der haven
30[regelnummer]
Haerre herten minne gaven,
Ne warsi seker no sorgeloes,
Maer pinen ende vreesen vul altoes....
II.
Ga naar margenoot+Doe Cupido vernam die tale,Ga naar voetnoot3
Hi seide: ‘Vrient, nu horic wale,
Wie du gedincs miere lessen,
Ende duse vertrecs dus sonder messen,
5[regelnummer]
Dat wel bestaet es dattu leves;
Ende dattu jegen mi oec heves
Stille ende lude gewesen getrouwe,
Willic dinen groten rouwe
Di verghelden ende dine pine,
10[regelnummer]
Ende die scone Florentine
Helpen bringen uten prisoene,
Ende huen wille mede te doene,
Ondanc der quader Jalousien,
Die ic gelove sal doen lien,Ga naar voetnoot4Enen gelove doen lien is hetzelfde als enen verwonnen doen lien, iemand doen bekennen dat hij verslagen is. Zie de uitvoerige aant. in den Walew. II. 332-337.
15[regelnummer]
Eer ic nemmer van di sceede.
Dit gelovic di met heede
Ende met trouwe gewarlike.’
Dies danctic hem omoedelike,
Ende wart van minen sorgen sonder,
20[regelnummer]
Dies ne darf niemen ebben wonder.
Lettren dedi maken sciere,
Ende sendetse ute bi messagiere
Overal om sine man,
Daer hi hem best getroude an.
25[regelnummer]
Somen bat hi ende somen geboet,
Dat si quamen met haesten groet
Te sinen hove als heelde coene,
Te horne wat hi dinct te doene.
Die boden voeren al over al
30[regelnummer]
Ten genen dar men hen beval,
Ende doe si quamen daer si souden,
Ende si geseiden wat si wouden,
Die lettren die baroene upbraken,
De welke in desen worden spraken:
35[regelnummer]
‘Ic Cupido, die God der Minnen,
Ver Venus sone der Godinnen,
Uwer, alre meester ende here,
Groete u allen met trowen sere,
Mine wel lieve onderdane.
40[regelnummer]
Ic doe u allen te verstane,
Dat ic van orlogen ende van stride
Mi bewane in corten tide,
Daric uwer hulpen ebbe te doene,
Alsic dicke bem gewoene,
45[regelnummer]
Waromme dat ic u ombiede
Als minen lieven getrouwen liede,
Dat gi te hove comt also saen,
Als gi mine lettren ebt verstaen,
So tarnasch ende so beraden,
50[regelnummer]
Dat gi mi moget staen in staden,
Rike ende arme, clene ende groet,
| |
[pagina 249]
| |
So wanneer dat ics ebbe noet,
Of ghi mine vrienscap wilt behouden.
God si met u, God moet us wouden!’
55[regelnummer]
Te erste dat si dat gebot vernamen,
Te hove dat si alle quamen.
Ver Ydelhede die gardeniere
Quam voren metter meester baniere;
Darnaest so quam Edelhede,
60[regelnummer]
Milteit, Vriheit ende Rijchede,
Coenheit, Eren ende Hoveschede,
Der naer Delijt ende Simpelhede...
............
|
|