Gründtlicher Bericht, ob Zauberey die argste vnd grewlichste sünd auff Erden sey

Das I I. Capitel.
Allerley Eynreden, das die Zauberer nicht sollen so arg sein, als sie bezüchtiget werden.

1. Eynred.

Die Zauberer vnd zauberinnen seyn vnschuldig, vnd werden vnbillich allerley laster ahngeklagt.

[p. 159]

Antwort.

Das sie nicht vnschuldig, sondern die allerärgste Menschen, vnnd gottloseste sünder auff erden seyn respectiuè, ist von vns in dem ersten tractat auszfürlich genugsam erwisen, vnd ausz ihrer eigener, nicht allein in peinigung, gezwungener, sonder auch, als sie sich nun zu Gott wider bekert vnd pusz gethan, selbst vnd freywilliger offentliche bekentnisz war, vnd so viler hocherleuchter gelehrter vnnd glaubwirdiger leuth zeugnisz beweiszlich. Besihe Bensfeld. de Confess. maleficarum & Malleum Sprengeri.

2. Eynred.

Die Zauberinnen verleugnen Gott vnd Christum nit, dann sie gehen mehrertheil noch zur Kirchen, hören Predig, Gottesdienst, beichten vnd entpfahen die H. Sacramenten, nennen vnd ruffen Gott vnnd Jesum Christum ahn, gleich andern, &c.

Antwort.

1. Das sie Gott verleugnen vnnd seine heiligen, auch die H. Hochwürdige Sacramenten, jha die gantze Catholische Religion, ist auch im ersten Tractat erwisen, vnd ausz ihrer eigen bekentnusz vnnd zeugnusz glaubwirdigen Lehrern vnd Doctorn handtgreifflich vnnd vnleugbar war. Wiewol nicht alle von anfang alles, sonder jhe länger jhe mehr, vnnd letztlich alles verleugnen, darnach sie der Teuffel geneigt vnd bereit erfindet vnnd bewegen kan. Dann ein vnderscheidt, so viel die böszheit ahnbelangt,

[p. 160]

Vide Bensfeld de Confess. maleficarum. praelud. 6 pag. 32. & seq. postremae editionis. & ibidem in comment. in tit. C. de Malef. pag. 526. 527. &c.

⁺2. Das sie aber, da nicht alle, doch gemeinlich alle, oder der mehrertheil, beuorab an Catholischen örthern, fleissiger als andere schier zur Kirchen gehn, zu betten, zu fasten, vnd andere Christliche Ceremonien zu halten scheinen, ist nur einheilloser, ja hellischer betrug, den sie vom teuffel, der sich auch kan in ein gestalt eines guten Engels verändern, vnd auch Jhesum Christum wol nennen vnd im schein ehren können) gelehrnet, vmb ihre böszheit also zubedecken, vnd allen verdacht vnd argwohn zuuerhindern, auch andern des zu balder vnd mehr an sich zu ziehen.

3. Solchs thun sie auch, beuorab die nicht gar bösz, auff das sie von des teuffels anstifftung zum bösen, (welchs er im tempel also frey vnnd leicht nicht thun kan als anderszwo) vnd anderen vnkeuschen vnnd bösen stücken mögen enthaben seyn. Wiewol auch die gar bösen solchs Gott zu mehrer in trutz vnd verachtung thun, vnd da andere meinen dasz sie Gott, vnd dasz h. Sacrament ehren, hergehen bey inen selbst schenden, verfluchen vnd vnehren. Vnd mag der teuffel wol leiden, das sie zur Kirchen gleich andern gehn, betten, beichten, die H. Sacramenten empfangen, &c. Dann er weisz das sie es, wie gemelt, böser meinung thun: oder aber als lang sie in

+ Warumb die zauberer gemeinlich also fleissig zur kirchen gehen, beten, &c.

[p. 161]

seinem bundt vnd vnbuszfertig bleiben, das ire arbeit vnd andacht vmbsunst vnd verlorn, weil ir hertz fern von Gott, vnd ihr glaub falsch oder verderbt vnd verrichtet ist: ja das sie noch mehr sünd vnd sündenstraff bey Gott verursachen, dieweil sie Gott vnd auch dem teuffel, oder Gott ohn glauben, ohn liebe, ohne puszfertigkeit, nur auszwendig, vnd nicht inwendig, vnd von rechtem vnd gantzem hertzen dienen wöllen, welchs alles vor Gott ein grewel vnd verflucht wesen ist, vnnd jhe mehr sie Gott trutzen, oder nicht recht dienen, je mehr sie Gott verzörnen, grossere Sünd begehen, vnd je lenger je tieffer ins teuffels gewalt vnd verstockung gerathen, vnd gestürtzet werden.

3. Eynred.

Es können die Zauberer mit dem teuffel kein bund machen noch halten, dann sie nicht einer sondern verscheidener naturen seyn, &c.

Antwort.

Wiewol der teuffel nicht einerley naturen ⁺ mit dem Menschen ist, so kahn gleichwol der Mensch mit ihm ein Bundt machen: dann auch Gott nicht vnser naturen ist, mit dem wir doch vnsern Bund auffrichten vnd bestetigen in der heiligen Tauff vnnd sunst. Vnd ob gleich der teuffel von naturen vnd als ein geist den sterblichen augen vnsichtbar, kan er doch ⁺ sich durch einen ausz der lufft ahngenommene Leibsgestalt sichtbar erzeigen, gleich als auch

+ Vide Bensf. de Conf. maleficarum praeludio. 6 p. 23. in postrema editione latina.

+ Vide Bensf. vt sup. pa 73-61 &c. qumo. do appareant.

[p. 162]

die gute Engelen thun. Vnd machen auch offtmal vil iren bund mit dem teuffel, durch mittel vnd in gegenwertigkeit deren zauberischen personen, welch sich zuuor in des teuffels reich vnd gewalt begeben, vnd seine alte liebe vnd getrewe diener, vnd reichsvermehrer seyn.

4. Eynred.

Es kan solcher bund nicht gelten noch bestendig seyn, weil er wider Gott vnd alle billichkeit streittet.

Antwort.

Es ist auch der bund nicht billich noch gültig, welcher ein Mameluck vnnd abgefallener Christ, mit den Judden oder Türcken macht: Soll es darumb vnmüglich seyn, das solcher gottloser vnnd verdamlicher bundt geschehen könte? Es ist ein ander müglich seyn, ein anders zulässig oder billich seyn. Es ist ausz ihrer der zauberer, eigener vnnd freywilliger darzu auch einhelliger bekentnusz, vnd zeugnusz glaubwürdiger Herrn vnd Lehrer also offenbar, das die zauberer vnd zauberinnen nicht allein Gott abgehn vnd verleugnen, sondern auch mit dem teuffel, wider Gott seine Kirch, zu allen bösen vnd teuffelischen stücken verbinden vnnd verpflichten, das die jhenigen, welche das leugnen, oder das halszstarrig widerfechten, entweder Gott: vnd sinnlose, oder sonst verblendte vnuerschampte Leuth oder aber mit der selben

[p. 163]

brüden begossen, oder jedoch dem teuffel vnnd seinem reich sehr gewogen vnd geflissen, vnn villeicht seine bestelte vnd erwehlte Aduocaten vnd Procuratoren seyn müssen. Vide Bensfel. de Confess. malefi. praelud. 6. pag. 23. vsq; ad 42. & alibi.

5. Einred.

Es ist nicht glaublich, noch müglich, das die zauberer oder zauberinnen mit dem teuffel, der ein geist vnd darzu vnsichtpar ist, buliern, vnd fleischliche vnkeuscheit treiben können.

Antwort.

Es ist nich allein müglich, sondern auch, vnd vor allen dingen sehr gemein, auff das sie also mit dem teuffel im ahnfang des zu naher verpflicht vnd vereiniget, vnnd von Gott zusamen verlassen werden: Es ist auch ausz der zauberer freywilliger bekendtnusz, vnd der Kirchen auch rechtsgelehrter zeugnusz beweiszlich, das der teuffel in vorgemelter massen angenommener lüfftiger leibs gestalt sichtbarlich erscheinen, auch sichtparlich, vnnd leiblich mit den Menschen vnkeuschheit treiben kan, vnd auch insonderheit darzu geflissen ist. Vide Bensfeldium in Confess. maleficarum. conclu. 5. pag. 191. vsq; 214. & malleum Sprengeri parte 1. q. 3. 4. Et parte 2. quaest. 1. cap. 4.

[p. 164]

6. Einred.

Es ist vnmüglich, das die Zauberische Personen bey nächtlicher zeit, oder sonst von einem orth zum andern auff ire teuffels däntz, vnd beykompsten gefürt werden.

Antwort.

1. Die gute Engel können die Menschen in kurtzer zeit von einem ort zum andern, wie weit er auch ist, füren, wie ausz dem Propheten Daniel zuuernemen: Da der Engel Gottes Abacuc ausz dem Jüdischen landt in Babylonien gefürt, vnnd dannen wider an sein orth gestelt hat. Dan. 13.

2. Nun haben die böse Engelen, welche nun teuffelen seyn vnd genennt werden, die selb natur, als auch die gute Engelen, auch dieselbe natürliche krafft, vnd können demnach (wannhe es inen von Gott zugelassen wirt, wie mit den zauberern beschicht, die Gott verlassen hat, weil sie in verlassen vnd verleugnet haben, auch ihre verpflichte zauberer vnd zauberinnen auch führen wahin sie wöllen.

3. Man weisz auch den H. Engeln, wie der teuffel, durch zulassen Gottes, Christum selbs ausz der wüsten auff den zinnen des tempels, von dannen auff einen sehr hohen Berg gefürt hab. Wiewol zu mehr kan er dann seine zauberische personen (wanneh er wil, vnd sie auch sunst begeren, vnd ihre zauberische zeichen vnd salbung dem teuffel zu ehren vnnd ins teuffels namen zugericht, gebrauchen) von einem ort zum an-

[p. 165]

dern, hin vnnd wider in gar kurtzer zeit in sichtbarlicher gestalt vermeinter Geiszböck, Rosz, oder dergleichen, füren vnd widerbringen? Vide Bensfel. de Confess. malefi. concl. 12. pag. 221.

7. Eynred.

Es wirt solche meinung im Geistlichen Recht cap. Episcopi 26. quaest. 5. ausztrucklich verneint vnd verdammet.

Antwort.

Es wirt daselbst nicht vermeint, auch nicht vnmüglich gehalten, vil weniger verdampt die meinung, das der teuffel die menschen von einem ort zum andern führen könne, wanneh es im geliebet, vnd Gott zuläszt: sondern der Irrthumb vnnd Ketzerische teuffelische meinung wirt verdampt, das etliche gottlose vnnd vom teuffel verblendte vnnd betrogene Weiber vermeinten, das sie mit der Abgöttin Diana, vnd mit Herodiade ritten, vnd sampt denen ire lust vnd gesellschafft hetten. Welchs immer falsch vnd Abgöttisch. Besihe hieuon weiters vnd ex professo. Bensfeldium in Confess. malef. pag. 346. vsq;. 351.

8. Einred.

Die zauberer vnd zauberinnen können den Menschen oder Beesten kein Schlangen, frösch Eisen, vnd dergleichen ding in leib zaubern, oder dieselb also tödten.

Antwort.

Es könnens die zauberer freilich nicht thun sich selbst, sondern sie thuns durch mittel vnnd

[p. 166]

hilff des teuffels, so fern es Gott zuleszt. Vide Bensfel. in Conf. malef. Concl. 7. pag. 215. & in commentar. q. 7. pag. 510. vsque 521. Vide & Malleum Sprengeri parte 2. pag. 335.

9. Eynred.

Es können die zauberer kein Vngewetter, Hagelschläg, Miszwachs vnnd dergleichen vil weniger Schlangen, Frösch, Krötten, &c. machen, sondern das stehet Gott allein zu.

Antwort.

Die Zauberer können vngewitter machen durch mittel vnd hilff des teuffels, als fehrn es Gott zuleszt. Das aber der teuffel vngewitter machen kan, ist ausz dem ersten vnd zweiten Capittel S. Job offenbar. Besihe hieruon ferner Bensfeld. de Confess. malef. conclus. 10. & 11. pag. 220. & 221. Item pag. 478 vsq; ad 489. Was massen vnnd meinung sie auch frösch, schlangen, schnecken vnd dergleichen vnuollkomene thier, welche ausz verfaulung ir vrsprung haben, mit hilff vnd mittel des teuffels ires bulen machen können. Besiehe auch wolgedachten Bensfeld. in Confess. malef. concl. 4. pag. 190. in latinè & fol. 50. im teutschen Exemplar.

10. Eynred.

Es können sich auch die zauberer vnd zauberinnen nit in katzen, wölff oder dergleichen verändern, noch die kleine, beuorab vngetauffte, kinder beschedigen oder tödten, &c.

Antwort.

1. Es könne reipsa vnd in der warheit die zau

[p. 167]

berer, vnd zauberinnen sich nicht verändern in katzen, wölff, oder andere beesten: sonder könnens durch hilff des teuffels wol thun im schein, das es andere Leuth meinen vnd darfür ansehen. Vide Bensfeldium de Confess. malef praelu- 17. concl. 3. pag. 180. im Teutschen Exemplar. fol. 47. b.

2. Das sie aber durch hilff oder mittel des teuffels, der ir buler, oder darmit sie sich verbunden haben, in solcher vermeinter oder vom teuffel ausz der lufft gemachter gestalt, die kleine, vnd beuorab vngetauffte, oder von den Eltern nit fleissig gesegnete kinder können beschedigen, vnd darzu sonderlich geflissen seyn. Vide Bensfeld. de Confess. malef. in addito commentario quaest. 2. pag. 584. Et malleum Sprengeri parte 1. quaest. 10.

3. Warumb sie aber solche kinder tödten, vnd was sie damit auszrichten, zu ehren des teuffels vnd sterckung ihrer zaubereyen, Gott dem Schöpffer vnd Christo dem Erlöser aber zu trutz, vnd Menschen zu betrüblichem schaden. Vide malle. malefi. par. 2. q. 1. c. 13. pag. 342. &c. Vide & solutiones ad aiias obiectiones, ib. par. 1. q. 18