Das V I. Capitel.
Die hohe Obrigkeit, welche die Zauberer vnd Zauberinnen mit schuldigem eyfer der gepür straffet, heiliget ihre händ, vnd leistet Gott einen wolgefelligen dienst.
ALs die Juden das gülden Kalb auffgericht Ga naar margenoot+ vnd angebetten, hat Moses den vnschuldigen, vnd die dem Herren ahngehörten, befolen, das sie mit dem schwert ohn vbersehen, einen jeden, auch seinen Bruder, Freund vnnd nechsten erschlagen solten, vnd als das beschehen, vnd wegen solcher Abgöttereyen bey die drey, oder (wie etlich setzen) drey vnnd zwentzig tausent vmbbracht haben, sprach er zu denselben: Ir habt geheiliget ewere händ dem Herrn, ein jeglicher an seinem Son vnd Bruder, desz euch der segen geben werde.
Will geschweigen des Exempels Phinees.
Wieuil zu mehr Heiligen ihre hände dem Ga naar margenoot+ Herrn, dir Christliche Obrigkeit, als sie, irem eidt vnd ampt nach, die zauberer vnd zauberinnen am leben straffen, welche vil grewlicher abgötterey, ohne vnderlasz, vnd darneben andere erschröckliche, hochschädliche laster bestehn, als jene, in auffrichtung vnd anbettung des gülden Kalbs gethan?
Auteursrechtvrij