geschichts offt, das vil sich dem teuffel mit Leib vnd Seel ergeben, vnd denselben vmb hilff anruffen, auff das sie ihren gefaszten zorn, vnd rachgierichkeit mögen ersettigen, vnd an ihren freunden külen. Vnd ob gleich etliche sich nicht erst selbst dem teuffel ergeben oder zu dem ende erforderen vnnd ahnruffen: So weiszt der tausentkünstler, sich solchen erzürnten, vnnd vber die masz verbitterten vnd rachgirigen (sonderlich Weibspersonen) anzugeben, sie in vnd auszwendig dahin zu reitzen vnd zubewegen, das sie mit hilff vnd beystant des teuffels, da nicht offentlich, doch heimlich (recht als solls sonst niemandt wissen noch mercken) rechen sollen. Als ers aber so weit bracht, hat er sie fehrn genug, vnd ob sie nicht wolten, müssen sie doch sich ime alszdann ergeben, vnnd ferners mit zauberkünsten vmbgehen, nach seinem wolgefallen.
Auteursrechtvrij