Das I I. Capitel.
Die erste special vrsach, warumb vil Leut zu der Zauberey sich begeben: vnwissenheit vnd nachlässigkeit der Pastorn vnd Geistlicher Oberkeit.
VOr allen dingen ist herzu ein hochschedliche vnnd sondere vrsach, die vnwissenheit, oder nachlessigkeit, dero Pfarrherren oder Seelsorger. Dann dieweil dieselb, entweder selbst nicht wissen wie man allerley listigkeiten vnd angriffen des tausentkünstigen Hellischen feinds, in allen, auch in disem grewlichen laster begegnen soll: oder aber, nicht mit gepürlichem ernst vnnd eyfer ihre anbefolhene Schäfflein vnd Kirspelszuerwanten, warnen vnd straffen, vnd wie sie sich für vnd alle anläuff vnd listigkeit des teuffels waffenen vnd allerley wichelen vnnd aberglauben hüten vnd bewaren soll: Item was grosse vnd grewliche sünd die wicheley vnd Zauberey sey, &c. Sihe derhalben werden die einfältige vnerfahrne desz zubalder vom teuffel betrogen, in allerley, vnd letzt auch zur wicheley vnd zauberey, vnnd andere darzu bewegende vnd vrsachgebende sünden gezogen, vnd bleiben darinn verharrt vnd versteint, one gewissen, one rew, one schew, &c.
Auteursrechtvrij