Watapana. Jaargang 4

[p. 15]

Nostalgia di un antillano

Cuanto mi a anhela pa weitabo,
Cuanto mi a desea di sinti bo dulsura,
Cuanto mi a stimabo den e horanan di nostalgia.

Pero awor cu mi a yega serca bo,
Mi no ta sinti ningun alegría den mi corazon,
Pasobra abo no ta abo mas.

Bo dulsura no ta dushi mas,
y bo mirada claro a bira scur y hundo,
Bo stimashon awor ta odio.

Na unda ami, jiu di bo, ta pertenece awor,
Abo a corre mi, pasobra mi ta un estranhero,
Na estranhería nan a sacami afor cu e palabranan
‘Bai fruta tropico, bai back na bo palo’.

Awor cu mi ta hecho, yen di forza y
gozando di un fortaleza enorme,
Awor bo ta nenga ami como
e fruta di bo barrica.

Leo Henriquez