Watapana. Jaargang 3

(1970-1971)– [tijdschrift] Watapana– rechtenstatus



[pagina 4]
Antijas 1954-1969 Nan a balia, hunga kako, lagá bo sin bo pan, sin karsón i sin kamisa; tur nan djente di djesinko aña largo ta bora karn'i bo pecho i bo tripa. Manera warawara nan a baha bin trose bo obrero su balentía, mientras tanto b'a keda choria sánguer será den nan kanáster di mentira. Nan a pinta sèis strea den bo shelo sin kandela, sin amor i sin bida: bo swela a keda seko i pashimá, bo shelo a keda skur di tiranía. Ai Corsow, sánguer di Tula i Karpata i simía di Lauffer su kantika, temperá bo flambew di libertat i kima bichi di un mal dinastía! Ai Bonèiru, kurasón di flamingo, bo gritonan mi no a tende te aínda ni mira tur e lepra di bo kara, ma mi ta sinti e doló'i bo herida! Ai Aruba, pesebre di amargura, uni bo lámchinan tur den dos fila pa mañán mi drenta ku un bandera tur na solo i un kantika di sumpiña! Henry Habibe