Watapana. Jaargang 1

(1968-1969)– [tijdschrift] Watapana– rechtenstatus



[pagina 4]
[Gedichten Ramón] [I] T'eynan mi ké tá. Kaminda mi ta mira e mulinanan di byentu drey, drey, sin por saka awa for dje posnan seku den kunukunan kayente. Pero mi n' kyer bringa kontr'e olanan brutu den atardinan yubyoso, ni mi n' kyer tira mi kurpa pa tribón ni warawara pasó mi n' tin pan ni awa. Amsterdam 1966 Ramón
Soño Tin byaha mi ta añorá mi Caribe lehano Mi ta mira mi mes tira fo'i den shelu den mi lamán stimá I mi ta tende e pitu dj'un bapór di turista ku ta drenta na haf, i den tumult'i hende ku ta imbadí mi isla ku nan sombré'i kabana i nan Bermuda-shòrt mi ta mira mi mama (ku mi rumán na brasa) ta yamami bin yud'é. Amsterdam 1967 primavera Ramón