Watapana. Jaargang 1

(1968-1969)– [tijdschrift] Watapana– rechtenstatus



[pagina 7]
[Gedichten Pedro R. Velásquez] II Awe nochi ku b'a habri bo bentana b'a tira afó bo brasa otro band'i kaja Mirando bisinja bo kabés bentá pa suid ku strik i mispel den bo wowo bo n'sa ta ken bo ta i den bo skochi di charada kresiendo den rámanan di kwihi awe nochi bo skinanan ta papia bo ta habri bo bentana i e lamúnchinan ta bira bèrdè tra'i bo lomba Pedro R. Velásquez
VI Na mitá kurpa man na laria nan por a bin den kaja jen di flor jen di chupabèbè ku bok'i piedra nan ta krusa pía nan ta parti anja smaak bibo de lamunchi pa bisinja pèrde miedo i e mucha muhénan ku karisia'i sinta aínda no ta kòrda un doló skondí den nan barika ora luna koi nan di sorpresa sintá den nan beranda Pedro R. Velásquez