van niet reynigen conde, sulcx dat hy tot sijnen sone den Prince van Spaignien seyde: Siet Prince vvat is de grootheydt van deser Weerelt, siet dit ellendich lichaem, Merckt daer oft Godt dan te vergheefs, ende maer by ghevalle op onse stranden desen grooten Leviathan in dat Iaer heeft te bersten gheworpen, dat hem sijn bloet ende smeyr als etter wt sijn eyghen backhuys ouervloedich inde Zee gheloopen heeft Sijne 42. tanden soudemen die t’onrecht moghen vergelijcken by die 42. Iaren der regeringhe des voorsz. Coninck van Spaignien, in welck 42. Iaer de Nederlanden int ghemeyn (Godt leyder) ghevoeldt hebben, met wat scherpe tanden sy van dien Spaenschen Leviathan, ende grooten Potwalvis zijn ghenepen gheweest, also hy in dat selve iaer alle de schepen der vereenichde landen toebehoorende arresteerde ende verbeurt maecte sulcx dat noch by vele die wonden van doen door hem ontfangen, op desen huydigen dach noch niet genesen zijn, ick en behoeve hier tot bevestinge van dien gheen naer der ghetuygen: Het is my leet dat d’ervarentheyt, met de smerte het selve gheleert heeft.
Auteursrechtvrij