Florentina wert sieck ende sterft.
DAer nae waren sy minlijc met malcanderen in goeden peyse ende vrede, maer Alexander en heeft niet vergeten so lange als hy leefde die weldaet en grooten arbeydt last ende wonderlijcke avontuere, die zijn deuchdelijcke vrouwe om hem had geleden, ende heeftse altijt geeert ende gedient. Ende daer na leefden zy noch langhen tijt in goede vrede, ende zy dienden voort aen neerstelijck onsen Godt den Heere in alle goede wercken, ende hebben zijn Godlijcke geboden nae haer vermoeghen behouden. Ende alle iaer hielden sy iaer getijde van alexanders verlossinge ende dan warense vrolijc met haer vrienden ende maeckten blijde chiere dat sy nochtans Godt niet en vergaten Het geviel op eenen tijt dat Alexander houdende dat iaer getije zijnder verlossinge ende was vrolijck met zijne vrienden, so wert die goede Florentine sieck vander cortsen soo datse haer qualijck gevoelde, ende seyde tot hen allen met flouwer stemmen.
Tis hier vreughdelijc bouen maten,
Dus moet ic my seluen bat ghelaten
Dan my is, want t'herte beuaen sy,
Met sieckten, dus wil ic my te rusten laten
O schoone Maria vol charitaten,
Ic ducht dat ic metter doot bestae zy
Auteursrechtvrij