Der Vrouwen-peerle. Dryvoudighe Historie van Helena de Verduldighe, Griseldis de Saechtmoedighe, Florentine de ghetrouwe

Hoe Florentina sieck te bedde ghinck ligghen metter cortsen, daer sy af stierf.

Alexander sprack tot Florentinen.

Seynden sal ick om medecijnen
die u helpen sullen met recepten soete

De siecke Florentine seydt.

Neen tegen mijn siecte en is geen boete
want noyt in consten meester so groot
Die boete wist teghen die doodt,
My en mogen helpen geen ander curen
dan God de schepper alder creaturen
Aen hem hangt mijn steruen, mijn leuen.

[fol. D4v]

 

Alexander.

 

Ick hope dan hy sal u trooster zijn

 

Roept aen hem, hy sal u ghesondtheydt seynden,

 

Neen tijdtlijck ghenesen dat moet hier eynden.

 

Florentine.

 

Maer 'tgenesen dats Godts rijcke te verwerven.

 

en 'tsterven, is der zielen bederven:

 

Dit is sterven, ende 'tgenesen dat wy meenen.

 

Florentina Mariam aenroepende seyde:

 

O Maria Goddelijck tresorie,

 

Helpt ons wt dit sondich dangiere,

 

Eer wy gheschent zijn,

 

Ontdoet u victorieuse baniere,

 

Ende mijn siele die Godt ghecocht heeft soo diere,

 

Laet in u glorie blijdelijck bekent zijn.

Doen stierf de goede Vrouwe, dies Alexander groote droefheyt maecte