Vlissings redens lust-hof, beplant met seer schoone en bequame oeffeningen

[fol. Ll4r]

Liedeken,
Op den Regel: Die Godt heeft tot sijn hulp geen dingh, &c.

Stemme: Prijs weerigh pleyn, vol Nardus Blomken reyn, &c.

Loof ons Heyland Van zijn goede bystand,
Doorsoeckt Historien, Memorien, Victorien
Van sijne milde hand, Die ons sijn segen sand
t' Verwinnen ons vyand.

Wensch en beleeft, wensch Gods Geest in u sweeft,

Bly t' saem u handen lecht, verstanden hecht, vry landen recht,
Die in wel varen streeft, hy is die voorspoedt geeft,
Voor wien het alles beeft.

Siet wat de Heer, voor ons doet t'elcken keer,

Die wil genegen zijn, 't bejeghen dijn, met seghen fijn
Sulcx is te wenschen seer, gevende hem de eer,
Tot ons hulp meer en meer.

[fol. Ll4v]

 

Die Sions staet, nimmermeer en verlaet,

 

Wilt hem doch flouwen niet, vertouwen diet, behouwen biet,

 

't Geloof ten strijde gaet, gunnende wijsheyds daed,

 

Vol van goeden voorraedt.

 

 

 

Bidt met ootmoet ons Heer, valt hem te voet,

 

Elck wensch ghestadigh fijn, begnadich mijn, sucadigh wijn,

 

Neem niet in overvloet, Die Godt heeft tot behoed,

 

Geen dingh hem hinder doet.

Anno 1641.

Spaert eerst Fenijn.