Venus minne-gifjens

[p. 9r]

[Dryft u Schaepkens heene]

Op de Voyse: Avant que l’Aurore.

1.

DRyft u Schaepkens heene
Inde groene Wey,
En laetse groot en kleene
Scheeren onse Hey,
’t Wyl wy met lust
Speelen in wellust.

2.

Onder lombre telghen

Mijn soet Herderin,
En Liefd’ gaet verswelghen
Ons lust en soete min,
Ghebruycken wy den tijdt
Als syt jonstich lydt.

3.

Wild my Liefde loonen

Met een soet ghekus,
Weer Liefd’ sal ons kroonen
In ons weelde dus,
Dat selfs ons lieve Jeucht
Eens voelt haer hoochste vreucht.

4.

Wild’ my niet versaecken

Nu te deser stont
Wat ons Min doet blaecken
Maer maeckt my ghesont,
Eer Phoebus ons beklapt
En yemant ons betrapt.

Ronsaeus