Veelderhande liedekens, gemaect uut den Ouden ende Nieuwen Testamente

[VVaeckt op, O mensch tis de vre]

C Na de wijse: Als de eeckelen rijpen, so mest de Boer zijn swijn.

[fol. 343v]

 

^‡VVaeckt op, O mensch tis de vre

 

Van der sonden slaep op te staen

 

^*Keert v om als een kint pure

 

^†En baert een nieu creatuere

 

^‡Oft ghy sult in Gods Rijck niet gaen.

 

^* Dat out is al vergane

 

^†Siet het is al gheworden nieu

 

^‡Gaet niet ws voorouders bane

 

Sy leyt ter Hellen rijck ane

 

Neemt waer, een Propheet seytet v.

 

^* Sy ligghen inder Hellen

 

Als slachschapen ^† knaecht de doot haer

 

Dit gaet ons Dauid vertellen

 

^‡Haer worm salse altijt quellen

 

So Esaias belijt voorwaer.

 

Dit is het woort des Heeren

 

O mensche ghelooft dat toch

 

^*Keert tot God, hy sal tot v keeren

 

Waerom wildy den doot begheeren

 

^†Scheyt v wt Babel, so leeft ghy noch.

 

De Heer sal Babel vernielen

 

^‡Metten sweerde van zijnen mont

 

^*Om datse voor Hout en Steen knielen

 

^†Met lueghens verleyden de sielen

 

Daerom vaert sy in den afgront.

 

Wacht v toch voor tstrick der Hoeren

 

En voor ^‡ Antechrist haren boel

 

Verlaetse ^* al souts v rock schoren

 

Als Joseph gheschiet is te voren

 

^†Op dat ghy niet met haer coemt inden poel.

 

^‡ Hy heeft betoouert de Princen

 

En oock alle Coninghen meedt

 

^*Die boeleren na haer selfs winschen

 

En dwinghen daer toe oock de minschen

 

Met hare loose Placcaten wreet.

 

Die hier nu yet teghen seyden

 

^†Die mach met Elias wel vlien

 

^‡Tot een roof mach hy hem wel bereyden

 

^*Met Abraham wt zijn lant scheyden

‡ Ro. 53, 11.
eph. 5, 14.

* mat. 18, 3

† gal. 6, 17

‡ Joan. 3, 5.

* 2. co. 5, 17

† gal. 6, 17

‡ ese. 20, 18

* psa. 49, 15

† mr. 9, 45

‡ esa. 66, 24

* Ese. 18, 30
Mal. 3, 7.

† apo. 18, 4

‡ Apo. 2, 16

* Esa. 2, 8.

† Ese. 13, 8

‡ 1. ioan. 2, 18

* gen. 39, 11

† apo. 19, 20 ende 20, 10 ende 21, 8.

‡ Apocali. 18, 23.

* ese. 16, 26

† 3. re. 19, 3

‡ esa. 59, 15

* Gen. 12, 1
Acto. 7, 3.

[fol. 344r]

 

Oft men sou branden oft drincken dien.

 

^† Dit doen de stomme honden

 

^‡Die buyten Jerusalem zijn

 

^*Die Buyckdienaers onghesonden

 

^†Die lueghens en bedroch vermonden

 

Die twoort verualschen om haer ghewin.

 

^‡ Alsmense gheuet te eten

 

^*So predicken sy den vreedt

 

Maer als sy haer eens vergheten

 

Euen drae den muyl niet vol smeten

 

So predicken sy daer is een orloch reedt.

 

Wee v ghy valsche Propheten

 

^†Meyndy so te comen wt lant?

 

Daer ghy ws volcx bloet soeckt teten

 

^‡En hebt haer de huyt af ghereten

 

V naeckt een tijt die eeuwich brant.

 

^*Den dach die brant als een Ouen

 

^†Die is nu ghecomen na by

 

^‡Den stouten haer stoel te berouen

 

Dat gantsche Aertrijck te verdouen

 

^*Wortel noch tack sal sparen hy.

 

^† De bijl is rede opgeheuen

 

Te houwen die gheen vrucht en bringt

 

^‡Maer die noch betert zijn leuen

 

^*En goede vruchten wil gheuen

 

^†Den seluen, God ghenade schinckt.

 

^‡ Al waren zijn sonden als bloede

 

Sy sullen worden sneeu wit

 

Dus wilt tot gherechticheyt spoeden

 

Siet niet om, na Babels goeden

 

^*Des Heeren dach die naeckt subijt.

 

^† O mensch ghedenckt Loths wijue

 

Dat ghy niet na Sodoma siet

 

^‡Soeckt waerheyt en wilt daer by blijuen

 

^*Al soumen v daerom ontlijuen

 

^†Op dat ghy toch haer plaech ontuliet.

 

^‡Sy sullen te steruen begheren

 

Maer de doot sal van haer vlien

 

^*En roepen: O berghen valt neren

† esa. 56, 10.

‡ Apocal. 22, 15.

* ro. 16, 17
Phil. 3, 19

† Ese. 13, 8

‡ Mi. 3, 5.

* ier. 6, 14 ende 8, 8.
Ese. 13, 10
2. pet. 2, 19

† ese. 33, 25

‡ Mich. 3, 2.

* Mal. 4, 1.

† 1. Tes. 5, 2
2. pet. 3, 10

‡ luc. 1, 48

* mal. 4, 1.

† mat. 3, 10
Luce. 3, 9.

‡ mar. 1, 15

* mat. 7, 17

† ese. 18, 21

‡ Esa. 1, 18

* 1. tes. 5, 2

† ge. 19, 26
Luc. 17, 32

‡ Sop. 2, 3

* mt. 24, 9

† apo. 18, 4

‡ apo. 9, 6

* esa. 2, 19.
Ose. 10, 8.
Luc. 22, 29
Apo. 6, 16

[fol. 344v]

 

Bedeckt ons voor daensicht des Heeren

 

Maer ten sal haer niet moghen gheschien.

 

^* Haer worm en sal niet steruen

 

Haer vier wort niet wtgheblust

 

^†Een eeuwighe pijn is haer eruen

 

^‡De Helle salse bederuen

 

So sy niet keeren van wellust.

 

^* Die in wellusten leuen

 

Die is doot, al hoe wel hy leeft

 

Haer vonnis is reede ghegheuen

 

Het staet voor Gods aensicht gheschreuen

 

^†Haer ordeel in langhe niet gheslapen heeft

 

Neemt waer, tsal dus gheschieden

 

^‡Als coemt den veruaerlijcken dach

 

De Propheten gaent ons bedieden

 

Haest, wilt Gods Oordeel ontulieden

 

Oft v naect iammer, ^* wee en gheclach.

 

Oorlof aen alle gheslachten

 

Hier mede waerschou ick v seer

 

Tis Gods woort, wiltet niet cleyn achten

 

Maer hebtet altijt in ghedachten

 

Adieu ick beueel v den Heer.

* esa. 66, 24
mar. 9, 45

† Apocal. 20, 10. ende 21, 8.

‡ esa. 5, 25.

* 1. Ti. 5, 6

† 2. pet. 2, 3

‡ sop. 1, 14.
Mal. 4, 1.

* Mat. 23, 12, *.