Veelderhande liedekens, gemaect uut den Ouden ende Nieuwen Testamente

[Och Godt wilt mijns ontfermen]

C Na de wijse: Christen wilt ontwaecken.

^*OCh Godt wilt mijns ontfermen
Siet toch mijn droefheyt aen
Ick bid v met wtghetreckte ermen
Dus wilt v ooghen doch eens neder slaen
Want ghy zijt crachtich
^†
‡
*Alleene waerachtich // dus val ick clachtich
Tot v, O Vader, met grooter vlijt.

Ick ben nu seer ghebonden

^†Met eenen swaren strick ben ick omgort

* Psal. 51, 3. ende 56, 2.

† De Heere almachtich

‡ Eeuwich ghebenedijt

* Joan. 3, 33
Rom. 3, 4

† ps. 109, 19.

[fol. 234v]

 

Al met den bant der sonden

 

Dus Heere v gracie in my stort

 

^†Mijn Ghelooue wilt vermeeren

 

Dat ick mach eeren

 

Vwen hooghen heylighen Naem

 

Tot my wilt keeren // sonder cesseeren

 

Maeckt my doch uwen dienaer bequaem.

 

Noch bidde ick v O Heere ghepresen

 

Wilt doch altijt mijn Leytsman zijn

 

Voor die willen v dienaers wesen

 

Ende comen al onder een heylich schijn

 

^*Want sy van binnen

 

Ghelijck de spinnen

 

Sijn vol boosheyt, en erchs ghestelt

 

Dus bid ic v wt minnen // keert toch mijn sinnen

 

Dat sy my niet en crijgen onder haer gewelt.

 

O Princelijcke Godt verheuen

 

Ghy die daer alleene ^† rechtueerdich zijt

 

Laet my van v heylich woort niet sneuen

 

^‡Gheeft my nu stercheyt in desen tijt

 

Voor mijn Vianden

 

Die my met schanden

 

Veruolghen met swaer verdriet

 

Dus Heer in v handen // set ick tot panden

 

Siel ende lijf, Heere toch op my siet.

† Luc. 17, 5.

* mat. 23, 26
Luc. 11, 39

† Psal. 7, 10

‡ iudit. 13, 7