Veelderhande liedekens, gemaect uut den Ouden ende Nieuwen Testamente

[Och God almachtich vader van hier bouen]

C Na de wijse: Tyrannich werck vol erchs ghedronghen.

OCh God almachtich vader van hier bouen
Wy bidden v wilt ons doen onderstant
Weest in onsen mont, dat wy v mogen louen
Ontsteeckt in ons der liefden brant
Wy zijn op de bane triumphant
In dijne hant
Om voort te wandelen den rechten padt
^*Tot dat nieuwe Jerusalem de schoone stadt.
^† De waerheyt leyt geuanghen, so wy lesen
Wie het quaet wil laten ende doen dat goet
Moet nu alle mans beroouinghe wesen
^‡Maer wie mach ons scheyden vander liefden

* Apo. 21, 2.

† esa. 59, 15

‡ Ro. 8, 35.

[fol. 235r]

 

Druc, angst, veruolch, perijckel, sweert of gloet

 

O Heere vroet

 

V sermaetheyt achten wy voor beter schat

 

Dan al swerelts vruecht, want de loon is plat.

 

Och Heere leert ons doen al v behaghen

 

Want in ons en vinden wy niet dan quaet

 

Drijft ons voort met uwen geest, sonder vertragen

 

Doen sprack tot my de Heere delicaet

 

^*Vreest niet Jacobs wormken, cleyn hoopken verstaet

 

Volcht mijnen raet

 

^†Nu heb ick v inder proeuen ghestelt

 

^‡Dat Rijcke der Hemelen lijdt groot gewelt.

 

^* Hoort ghy belaste, ick wil v ontladen

 

^†Alle goede gauen van my ghegheuen zijn

 

^‡Laet v ghenoeghen met mijnder ghenaden

 

Ghy sult noch aenschouwen met claer aenschijn

 

^*Hout dat ghy hebt, vreest niet der slanghen fenijn

 

De Vader mijn

 

Heeft v ghegheuen den heylighen Gheest

 

^†Strijt cloeckelijc tegen dat gecroonde beest.

 

^‡ Maer als wy doen al dat wy behooren

 

Onnutte knechten so blijuen wy

 

Wilt O Heere v ghenade orbooren

 

En sterckt ons ghelooue, wy werden vry

 

Swerelts wijsheyt verdoemt ons, dus staet ons by

 

Want alleene ghy

 

^*Hebt de persse voor ons ghetreden swaer

 

Ghy zijt onse toeulucht ende ^† middelaer.

 

^‡ Alle onse boosheyt hebt ghy ghedreghen

 

Om ons te verlossen wt alder noot

 

^*Alsmen v belaste, ghy hebt ghesweghen

 

Als een onnosel lammeken ginct ghy ter doot

 

In v is ghebleken, sulck een liefde groot

 

Door dijn wonden root

 

^†Gout noch siluer hebben wy v niet ghecost

 

^‡Mer met dijn heilich bloet hebt ghi ons verlost.

 

^* Och Heere wie en soude v niet vreesen

 

^†Want voor v moeten buyghen allen knien

 

^‡Ghy en laet ons niet als bedruckte weesen

* esa. 41, 14

† Sapi. 3, 5.

‡ mt. 11, 12.

* mt. 11, 28

† Jac. 1, 17

‡ 1. co. 12, 9

* Apo. 3, 11.

† Apo. 12, 22

‡ luc. 17, 10

* Esa. 63, 3.

† 1. tim. 2, 5

‡ Esa. 53, 7
1. pet. 2, 24

* 1. pe. 2, 23
Act. 8, 31.

† 1. pet. 1, 18.

‡ Apo. 1, 5

* apo. 15, 4

† phil. 2, 10

‡ ioan. 14, 18

[fol. 235v]

 

Maer als een beschermer so coemt ghy ons besien

 

Och lieue kinders ^† wilt wettelijck strien

 

En de waerheyt belien

 

Dit lijden en sal ons een hayr niet schaen

 

Als wy met Godt in vruechden sullen gaen.

 

O Christe helpt onse cranckheyt draghen

 

Ghy kent doch onsen inwendighen strijt

 

^‡Salich zijt ghy die nu weent, doet Lucas ghewaghen

 

Maer wee die hier lachen ende maken iolijt

 

Su sullen weenen en huylen den eewigen tijt

 

Maer v lieden verblijt

 

Ghy wtuercoren, ^* O ghy cleynen hoop

 

De werelt hout verre den erchsten coop.

 

^† O Christe ghy zijt ten Hemel opgeuaren

 

By uwen vader ghy ons rechtueerdich maect

 

So de Schriftuere claer can openbaren

 

Daer ghy de Hemelsche glorie smaeckt

 

^‡Die v voor de menschen niet en versaeckt

 

Also ghy spraeckt

 

Sult ghy belijden in des Hemels Throon

 

^*Ende geuen haer de croon des leuens schoon.

 

Och Heere God wilt ons lijden aenschouwen

 

Helpt uwe kinderen wt dit torment

 

Alleen op v staet alle ons betrouwen

 

^†Maeckt ons volstandich tot inden ent

 

^‡Wy zijn dat werck, en ghy dat Fondament

 

O Heere ient

 

Door v so ist ghelooue blijuen staen

 

^*Wilt onsen gheest in uwe handen ontfaen.

† 2. Tim. 2, 5

‡ Luc. 6, 21.

* Luc. 12, 32

† mar. 16, 19
Luc. 24, 50
Acto. 1, 9.

‡ mat. 10, 32
Luc. 12, 8.

* Apo. 2, 10

† mat. 10, 22

‡ 1. cor. 3, 11

* luc. 13, 46.
Act. 7, 59.