Veelderhande liedekens, gemaect uut den Ouden ende Nieuwen Testamente

[Meenenaers v vercleent]

C Na de wijse: Adam ons vader wel, hadde twee sonen goet.

MEenenaers ^* v vercleent
Onder Gods hant deuijn
Ghy hebt langhe ghemeent
Met Gods volck salich zijn
Maer (laes) het meenen dijn

* 1. Pet. 5, 6

[fol. 220v]

 

Is Goddeloos oncrachtich

 

Voor tGodtlijck aenschijn

 

Ydel en lueghenachtich

 

Met sulck meenen, twelck liecht

 

Ydel als distelbloem

 

V niet langher bedriecht

 

Door lichtueerdighen roem

 

Want sulck een Christendom

 

Staend in schijnheylichede

 

Sal voor Godt wesen stom

 

Isser gheen goe daet mede.

 

^† Godts Rijcke niet en staet

 

In praet oft woorden soet

 

Geloouich cracht en daet

 

Daer by oock wesen moet

 

Maer met ^‡ vleesch ende bloet

 

Gaen veel Meenders te rade

 

En door swerelts voorspoet

 

^*Versuymen Godts genade.

 

Meenders die tijt verquist

 

^†Met boerden, iock oft spel

 

Eylaes sulck meenen mist

 

Dit weet ghy (hoep ick) wel

 

^‡Oftmen oock met Babel

 

En met Christo mach wesen

 

O ghy Meenenaers (snel)

 

Gheeft antwoorde van desen.

 

Sijt ghy wijs gheingient

 

Neen, moet zijn gheantwoort

 

Wien ghylien dan noch dient

 

Brengt de daet ghenoech voort

 

Meenders wat ghy orboort

 

Die vleeschlijck zijn beuonden

 

So men aen tleuen spoort

 

Tzijn al dienaers der sonden

 

^* Ende der sonden loon

 

Dat is deeuwiche doot

 

O Meenenaers ydoon

 

Vreest doch voor sulcken noot

† 1. Cor. 2, 4 ende 4, 20.

‡ Gala. 1, 16

* heb. 12, 15.

† Eph. 5, 4.

‡ 2. cor. 6, 15.

* Rom. 5, 12 ende 6, 23.

[fol. 221r]

 

Bedenckt v cleyn en groot

 

Oft tmeenen maeckt Godts knechten

 

Slechts om den name bloot

 

O neen dits goet om rechten.

 

De name ghy wel draecht

 

Van het Christen ghetal

 

Maer hoe ghy Godt behaecht

 

Moecht ghy bedencken al

 

^*Den wech des cruycen smal

 

Die moet hier zijn ghetreden

 

Eermen salich zijn sal

 

Godt kent gheen ander leden.

 

Leden Antechristi

 

Afgodisch verblent

 

O Meenenaers zijt ghy

 

Noch tmeeste paert bekent

 

Ten sy dat ghy omwent

 

^†En wort van nieus herboren

 

Met Babilon gheschent

 

Wert ghy eeuwich verloren.

 

Die gheueynst Babels daet

 

Sijn vrient ende partie

 

En meenen zijn Godts zaet

 

Door sulck ypocrysie

 

Eylacen alle die

 

Godt so behaghen meenen

 

Sullen haer huychelie

 

Int eynde noch beweenen.

 

Wel aen meent so ghy wilt

 

De waerheyt dient gheseyt

 

Godt can niet zijn ghestilt

 

Sonder ^‡ ghehoorsaemheyt

 

Oft ghy Meenders arbeyt

 

Alleen om Godt behaghen

 

Siet toe eer ghijt beschreyt

 

^*Daer ghelt gheen water draghen.

 

Water draghers ghenoech

 

Vintmen aen elcken cant

 

^†Die aen des Heeren ploech

* mat. 10, 38
Luc. 9, 23. ende 14, 27.

† Joan. 3, 3.

‡ Luc. 11, 28

* Josu. 9, 21 ende 23, 27.

† luc. 9, 62
2. pet. 2, 20

[fol. 221v]

 

Wel meenen slaen de hant

 

Maer (eylaes) sulck samblant

 

Is een omsien lichtueerdich

 

^*Ghetimmert op drifzant

 

Christo zijnde onweerdich.

 

Hier Meenders wel op acht

 

En wacht dat ghy altoos

 

Esau niet en slacht

 

^†Die om twilt iaghen boos

 

^‡Sijn gheboorte verloos

 

Ende tghebenedijden

 

Doen hy trecht meenen coos

 

Twas (eylaes) buyten tijden.

 

^* De dwase Maechden me

 

Die (thaerlier ontprofijt)

 

Meenden dHemelsche ste

 

Besitten met iolijt

 

Maer tcloppen ter ontijt

 

En mochte haer niet baten

 

Als volck vermaledijt

 

Sijn sy buyten ghelaten.

 

Van vele Meenders noch

 

Wert dus ghepreponeert

 

^†Heer in v name (doch)

 

Hebwy ghepropheteert

 

En Duyuels versturbeert

 

Maer voor antwoorde gheuen

 

Sal Godt, van my passeert

 

Met die oyt quaet bedreuen.

 

Dees Figueren en meer

 

Hertgrondelijck doorsiet

 

Dat ghy teghen Godts leer

 

Salich tzijne, meent niet

 

Want salicheyt gheschiet

 

Niet teghen twoort des Heeren

 

Dus eer v naeckt verdriet

 

Wilt eens recht meenen leeren.

 

^‡ Die als ghetrouwe knecht

 

Doet na sHeeren ghebot

* mat. 7, 26.

† Ge. 25, 26.

‡ Ge. 25, 33
heb. 12, 16.

* mat. 25, 8.

† mat. 7, 22.

‡ mt. 24, 45 ende 25, 21.
Luc. 12, 42

[fol. 222r]

 

^*Ende leeft slecht en recht

 

Die achtmen hier voor sot

 

^†Veruolcht, ghehaet, bespot

 

Als wtworpsel mispresen

 

Want ^‡ rechtdoenders voor Godt

 

Moeten hier versmaet wesen.

 

Maer (laes) veel meenen dat

 

Wel anders mach toe gaen

 

^*Dies sy den ruymen pat

 

Niet en willen versmaen

 

^†Als dese (swaer belaen)

 

De weldoenders ten fijne

 

Verblijt sullen sien staen

 

Dan werden sy in pijne.

 

^‡ En sullen seer verbaest

 

Segghen, wy meenden waer

 

Dat dees hadden gheraest

 

Siet, ^* hoe sy blincken claer

 

Tonwis meenen sal haer

 

Daer niet moghen verschoonen

 

Dus Meenenaers eerbaer

 

Laet v niet langher hoonen.

 

Hier mede ghewaerschuyt

 

Sijn Meenenaers ghemeyn

 

Wilt ghy v gheuen vuyt

 

^†Voor de Bruyt Christi reyn

 

^‡Als een kindeken cleyn

 

So moet ghy ommekeeren

 

So niet tmeenen certeyn

 

Brengt v al int verseeren.

 

Eer v verseeren naeckt

 

Door het meenen misvuecht

 

^*Bidt inden gheest en waeckt

 

Dat ghy moecht zijn verhuecht

 

Voecht v neerstich ter duecht

 

^†Als omghekeerde lieden

 

Namaels deeuwighe vruecht

 

Sal die Meenders gheschieden.

 

Orlof met dit concluys

* Job 1, 8. ende 2, 3.
Psa. 25, 21

† 1. cor. 4, 12

‡ 2. ti. 3, 12

* mat. 7, 13.

† Sap. 5, 2.

‡ Sap. 5, 3.

* mat. 13, 43

† Apo. 21, 2. ende 22, 17.

‡ mat. 18, 3

* mat. 26, 40
mar. 14, 38
Joan. 4, 23

† mat. 18, 3

[fol. 222v]

 

Sluyten wy desen sanck

 

Houdet voor gheen abuys

 

Al clinckt tgheclanck wat stranck

 

Twijst haer den rechten ganck

 

Die meenen door zijtweghen

 

Crijghen salich ontfanck

 

Meenders meent eens ter deghen.