Veelderhande liedekens, gemaect uut den Ouden ende Nieuwen Testamente

[Ghy Christen hoort dit cleyn vermaen]

C Na de wijse: Vanden Coninck van Denemerck. Oft, den Linden smit.

GHy Christen hoort dit cleyn vermaen
En wilt dit Liet in danck ontfaen
De Schrift doet het ons openbaren
Dus wilt dit wel te recht verstaen
Den arbeyt is anders verloren.

Wy souden gheerne wesen ghenaemt

^*Godts kinderen, soot wel betaemt
So moeten wy, hoort na desen
^†Omgordet zijn met der liefden bant
^‡En onsen Godt van herten vreesen.

Sijn woort doet ons vermaen fijn

^*Ootmoedich van herten te zijn
^†Dat quaet met goet te betalen
^‡Ons woorden met Sout ghemengt te zijn
^*Ende weghense in schalen.

En ^† wachtet v voor sonde en schant

Waer dat ghy zijt aen allen cant
^‡En wilt de Schriftuere doorgronden
^*Op dat v licht niet duyster en brant
^†En weest niet lichtueerdich van monde.

Aenhoort doch wat ons Paulus seyt

Hoe claerlijck dat hijt ons wtleyt
^‡Quaet gheclap verderft goede zeden
^*Dus wandelt als uwen roep betaemt
En hebt wel acht op uwe reden.

Dit is aldus een simpel bediet

Met corte woorden verhaelt in dit Liet
Oft daer yemant met waer behanghen
^†Want het en betaemt den heylighen niet
Die hebben wel acht op hare ganghen.

* Joan. 1, 12
Gal. 3, 26.
1. Joan. 3, 1.

† Col. 3, 14

‡ eccle. 12, 11
apo. 14, 7.

* mt. 11, 29

† Ro. 12, 21

‡ Col. 4, 5

* Eccli. 28, 32.

† eccli. 21, 2

‡ ioan. 5, 39.

* mat. 6, 23

† eph. 4, 29

‡ 1. cor. 15, 33

* eph. 4, 1.

† Eph. 5, 3.