Veelderhande liedekens, gemaect uut den Ouden ende Nieuwen Testamente

[Ghy die door tsGheests vernroyen]

C Na de wijse: Adieu bloemken Rosiere.

^*GHy die door tsGheests veruroyen
Ledekens Christi zijt
Die hier en daer verstroyen

* Ro. 12, 5
1. co. 12, 20
Eph. 1, 23 ende 4, 16. ende 5, 23.

[fol. 97v]

 

Als ^† slachschaepkens benijt

 

Quijt v wel na den tijt

 

Want in swerelts bosschage

 

Ons leuens ^‡ Pelgrimage

 

Is een gheduerich strijt.

 

Hierom ghy volck des Heeren

 

V ten strijde bereet

 

^*Met tgheloofs schilt vol eeren

 

^†En tgheestich bruylofts cleet

 

Al costet bloet en sweet

 

Scruys ^‡ persse met onureden

 

Die moet hier zijn ghetreden

 

Door ^* veruolch druck en leet.

 

Van veruolghers beloghen

 

Worden Gods kinders fijn

 

Verradelijck bedroghen

 

Ghespoghen int aenschijn

 

^†Ghegheesselt met ghepijn

 

Door hooft, handen en voeten

 

Doornen en naghels moeten

 

Lijdtsaem verdraghen zijn.

 

Die ^‡ Christum tHooft wilt volghen

 

Gheestich in raet en daet

 

Van de ^* werelt verbolghen

 

Wort hy ghehaet, versmaet

 

En na sKeysers placcaet

 

Op scruycen berch met schande

 

^†Moet hy doen Offerhande

 

Gheacht voor oncruyt quaet.

 

Versmaet van groot en cleyne

 

O wtuercoren Bruyt

 

Met dijn Bruydegom reyne

 

Moet ghy ter poorten vuyt

 

Hierom door sGheests vertuyt

 

Sonder in strijt vertraghen

 

Wilt ^‡ scruys versmaetheyt draghen

 

Met dancbarich gheluyt.

 

Hoe wel uwe ^* vianden

 

Sijn een menichte groot

† com. 8, 36.

‡ 2. Cor. 5, 6

* Eph. 6, 16

† mt. 22, 12

‡ esa. 63, 3.

* mat. 5, 11
1. Pe. 2, 20 ende 3, 14. ende 4, 13.

† 2. co. 11, 26

‡ 1. Cor. 11, 2
Eph. 4, 15

* Sap. 2, *
Joan 15, 18 ende 17, 14.

† Heb. 13, 13

‡ Heb. 13, 13

* Nu. 14, 7.

[fol. 98r]

 

Aen sweerden, voeten, ^† handen

 

Gheuerwet bloedich root

 

Godt staet v by ter noot

 

Dus lijt, strijt als dydoone

 

So ontfangt ghy te loone

 

^‡Sleuens croone minioot.

 

^* Wie verwint die sal sitten

 

Op Christus stoel propijs

 

Ghecleet niet om verwitten

 

Als ^† Bruyt Christi iolijs

 

In sHemels Paradijs

 

^‡Christus Jesus eersame

 

Sal belijden zijn name

 

Voor zijnen Vader wijs.

 

O strijders, strijderinnen

 

Vreest gheen dreyghen noch slaen

 

Victorieus verwinnen

 

Wilt, wat v wert ghedaen

 

Want gheestich int bestaen

 

Na der Christen behoorte

 

Door des cruys ^* nauwe poorte

 

Moetmen int leuen gaen.

 

Maer de Heere goethertich

 

By v, in elck quartier

 

In kerckers, banden smertich

 

Sidt hy, nu daer, nu hier

 

Ja int water en vier

 

Gaet hy met v waerachtich

 

Als toeulucht, schermschilt crachtich

 

En troost, in doots dangier.

 

^† Al vergate een moeder

 

Haer eyghen kint ghebaert

 

Christus onse Behoeder

 

Is andersins gheaert

 

Want ^‡ de zijn hy bewaert

 

Als zijn oochappel reene

 

Dus voor zijn hoopken cleene

 

Heeft hy een goet regaert.

 

^* Sorghe voor zijn Ghemeente

† Esa. 1, 15.

‡ 4. esd. 2, 43
1. cor. 9, 15
2. tim. 4, 8
1. pet. 5, 4.

* mt. 19, 28
Luc. 22, 30
1. Cor. 6, 1
Apo. 3, 21.

† apo. 19, 7

‡ mt. 10, 32
Luc. 21, 8.
Apo. 3, 15.

* 4. esd. 7, 7
Mat. 7, 13
Luc. 13, 22

† esa. 49, 15

‡ Sach. 2, 8

* 1. Pet. 5, 7

[fol. 98v]

 

Draecht hy, so Schrift vermelt

 

Hoe sy hier met vercleente

 

Int lichaem wort ghequelt

 

Ja ^* thoofs hayren ghetelt

 

Sijn al, los van gheschille

 

Datter buyten Gods wille

 

Niet een mach zijn gheuelt.

 

Bedroeft niet, O vercoorne

 

Al zijt ghy swert verbrant

 

^†Als roos onder den doorne

 

Moet ghy hier zijn gheplant

 

Al schijnt ghy onplaysant

 

Int ^‡ Lammekens verschijnen

 

Sult ghy sonder verdwijnen

 

Regneren triumphant.

 

Als ^* dan wort eerst doorkeken

 

Van veruolghers onuroet

 

In ^† wien dat sy ghesteken

 

Hebben haer sweert bebloet

 

Tgheschrey wert dan met spoet

 

^‡Berghen sonder vertrecken

 

^*En hueuels wilt ons decken

 

Voor Gods toornich ghemoet.

 

Maer ghy ghebenedijde

 

Sult dan springhen eenpaer

 

Ghelijck ^† caluerkens blijde

 

Ghemest zijnde voorwaer

 

Doot, leet, noch pijne swaer

 

Sal dan niet meer vertooghen

 

Alle ^‡ traenkens van dooghen

 

Sal ^* Godt afwasschen claer.

 

Siet toe dat tscruycen pijne

 

In liefden lau noch cout

 

V gheensins en verdwijne

 

^†Als stoppel, hoy, oft hout

 

^‡Voor plas reghen, winden stout

 

Wacht oock, O Gods ghenooten

 

Dat sy thuys niet omstooten

 

Door ^* tstormen menichfout.

* 1. re. 14, 45
mat. 10, 30
Luc. 12, 7. ende 21, 16.

† Cant. 2, 2.

‡ Apo. 14, 1

* Esa. 13, 8.
Sap. 5, 3.

† apo. 1, 7.

‡ Ose. 10, 8.
Apo. 6, 16 ende 9, 6.

* luc. 23, 29

† mala. 4, 2.

‡ Esa. 25, 8.
Apo. 7, 17 ende 21, 4.

* apo. 21, 4

† 1, cor. 3, 12

‡ mat. 7, 25
Luc. 6, 47

* Luc. 6, 47

[fol. 99r]

 

Ten baet niet wel begonnen

 

Maer tmoet wel zijn volent

 

Siet dat den ^† brant der Sonnen

 

V niet als oncruyt schent

 

Slacht oock gheen ^‡ honden blent

 

Noch verckens wilt ghelijcken

 

Dats weder te beslijcken

 

^*Tbruylofts cleet excellent.

 

Ontreynicht v als beesten

 

Gheensins, O vaetkens cranck

 

Op ^† dat niet seuen gheesten

 

In v treden, vry vranck

 

En so ^‡ tlaetste ontfanck

 

Bouen teerste boos leuen // Niet erger sy beseuen

 

Weerdich der Hellen stanck.

 

Hierom gheestich beraden

 

Vrienden, ^* soect, bidt en waect

 

Voor Gods Throon der ghenaden

 

Clopt, niet van duechden naect

 

Siet dat ghy in gheraect

 

Met de ^† wijse ioncfrouwen

 

Door ^‡ tgheloouich betrouwen

 

Als die in liefden blaect.

 

Voor tslot, ^* liefde bewijsen

 

Wilt elck menschelijck ingien

 

Dat ^† sy den Vader prijsen

 

Moghen, door sulcx gheschien

 

Slaet ^‡ sonder omme sien

 

Hant aenden ploech des Heeren // Het eeuwich glorieren

 

Sal v naken by dien.

† mat. 13, 21
mar. 4, 17
Luc. 8, 11.

‡ Pro. 26, 11.
Eccli. 35, 8
2. pet. 2, 22

* mt. 22, 11.

† mt. 12, 45
Luc. 11, 26

‡ 2. pe. 2, 22
Heb. 6, 5. ende 10, 26.

* mat. 7, 7 ende 21, 22.
mar. 11, 24
Luc. 11, 9.
Joan. 14, 13 ende 16, 24.

† mt. 25, 10

‡ Heb. 11, 1

* 1. pe. 1, 22 ende 3, 8. ende 4, 8.

† mat. 5, 16
1. pet. 2, 12.

‡ luc. 9, 62.