Veelderhande liedekens, gemaect uut den Ouden ende Nieuwen Testamente

[Ghemerct dat diuersch volck versaemt]

C Na de wijse: Ey out grijsaert.

GHemerct dat diuersch volck versaemt
Onder ^* tcleyn hoopken Christi verheuen
Nochtans die Christenen zijn genaemt
En zijn daeromme gheen beseuen
Maer aen Abraham ist te kennen ghegheuen
Met Sara zijnde inden echten staet
En ^† hadde twee sonen, somen vint beschreuen
Waer af maer deene was toprechte zaet.

* Luc. 12, 31

† ge. 16, 15. ende 21, 2.
Gal. 4, 22

[fol. 99v]

 

Der deernen sone ghegenereert

 

^*Was na den vleesche, ende versmeten

 

Maer die vander vrye ghesuccedeert

 

Mochte hem tzaet der beloften vermeten

 

Dese woorden vol gheestighe secreten.

 

Bedieden wat anders, so Paulus verclaert

 

Als twee ^† Testamenten, ghelijck wy weten

 

Deen tot knechtschap, dander tot vryheyt baert.

 

^‡ De Joden als gheen knechten onvry

 

Beroemden Abrahams zaet oock te zijne

 

Maer Jesus tot haer seyde hier by

 

Waert ghy Abrahams kinders deuijne

 

So sout ghy oock oprecht van mijne

 

Abrahams goede wercken doen

 

Nu soect ghy my te dooden, geueynst van schijne

 

Als zaet, quaet van opinioen.

 

^* Niet dat al Israelijten zijn

 

Die van Israel zijn eendrachtich

 

Oock zijnt niet al kinderen fijn

 

Die zijn van Abrahams zade crachtich

 

Maer in Isaac ist zaet waerachtich

 

Dat is, ten zijn niet Gods kinders bekent

 

Kinders ^* naden vleesche, loos, boos, logenachtich

 

Trecht zaet zijn kinders der beloften ient.

 

Die tonrecht als kinders draghen rom

 

Joannes straft die veruaerlijck

 

En seyt ^† hy quam in zijn eyghendom

 

Niet ontfinghen hem de zijne claerlijck

 

Maer so veel als hem ontfingen eerbaerlijck

 

Te werden ^‡ Gods kinderen, gaf hy die macht

 

Die niet wt vleesch, bloet noch mans wil zijn waerlijck

 

Maer ^* van God geboren, door sheylichs geests

 

Gods kinderen zijnt, door ^† sgeests virtuyt

 

Die tvleesch cruycen van vre tot vre

 

Den ^‡ ouden Adam treckende vuyt

 

Aendoen Christum, ^* nieuwe creatuere

 

Hem ^† nauolghende int soet, int suere

 

Als doode in sonden, gheestich opghestaen

* Ge. 16, 15.
Gal. 4, 22

† Gal. 4, 24

‡ Joan.8, 33.

* Rom. 9, 6

* Rom. 9, 8

† Joan. 1, 11

‡ Ro. 8, 15
Gal. 3, 26.
2. Pet. 1, 4
1. Joan. 3, 1.

* Joan. 1, 13

† Gal. 5, 22

‡ Col. 3, 9.

* Gal. 5, 6. ende 6, 17.
Colos. 3, 1.

† Eph. 5, 1
Phil. 2, 5.
1. pet. 2, 21.

[fol. 100r]

 

Alle die wt liefden, zijn goet van labuere

 

Sullen (als rechte kinders) loon ontfaen.

 

Kinders na Isaac gebenedijt

 

Tbeloofde lant, sal henlien ghenaken

 

Maer ^† tvleeschelijck sal altijt strijt

 

Tegen de gheestighe kinders hier maken

 

Want des gheests keest sy niet en smaken

 

Maer blijuen doot vleeschelijck ghesint

 

Elc sie wel toe dat hy door tvleeschs ontschaken

 

Met Ismael niet dolinghe ghewint.

 

De Ismaelijtsche compaengie

 

Draecht wel ^‡ roem Abrahams zaet te wesen

 

Maer aenmerckende haer Orie

 

Van bastaerdie, is die gheresen

 

Door Agars vleesch, dienstdeerne mispresen

 

Diemen ^* met haer sone wtstooten sach

 

Dus den bastaert, so wy schriftuerlijcke lesen

 

Svaders erfdeel niet beeruen en mach.

 

Een bastaert na den vleesche eruen tgoet

 

Math niet, van zijnen vader al voren

 

Daerom vleesch, bloet, oock versteruen moet

 

Van Gods kinderen wtuercoren

 

Wt ^† water en gheest dienen sy herboren

 

Somen claerlijck onuerholen schrijft

 

Godt den gheestelijcken Abraham gesworen.

 

Hier mede vriendekens beuolen, blijft.

† gen. 27, 41
Gal. 4, 29

‡ Joan. 8, 33.

* Gen. 21, 10
Gal. 4, 30

† Joan. 3, 5.
Titu. 3, 5.