Veelderhande liedekens, gemaect uut den Ouden ende Nieuwen Testamente

[Godt en Mammon met goet opstel]

C Een ander.

^*GOdt en Mammon met goet opstel
Als twee Heerens beuel
Mach niemant dienen wel
Oft hy sal den eenen haten
En dander minnen bouen maten
By desen ghy Christen gheloouighe vaten
Voor spijse, dranck, cleers, hoet gheschiet
In voorspoet oft verdriet
En wilt doch sorghen niet
Want Godt voorsiet, door sgheests omraeyen
Elck leuende bloet
^†Aenmerct de vogels die saeyen noch maeyen
Nochtans zijn sy gheuoet.

Des ackers Lelien playsant

Niet werckende int lant
Wassen oock triumphant
^‡Salomons heerlijcheyt ghepresen

* mat. 6, 24
Luc. 16, 13

† mat. 6, 26.

‡ mat. 6, 29.

[fol. 96v]

 

Was noyt ghecleet als een van desen

 

Dus ^* voor spijse, dranck oft cleers wtgelesen

 

Hebt gheensins sorghe, cleyn noch groot

 

Want de Vader weet bloot

 

Wat elck behoeft ter noot

 

^†Soeckt alder eerst tRijcke des Heeren

 

En zijn gherechte daet

 

En alle dese sullen tot v keeren

 

Door Gods voorsienich raet.

 

Godt ^‡ al gheschapen heeft

 

Ist dat hy tmeeste gheeft

 

Sal hy zijn Schepsel na tbewijsen

 

Nootdruftich niet cleeden en spijsen?

 

Waer voren laet ghy ^* sorghe oprijsen

 

Het sy blijde oft droeuen dach

 

Met sorchfulidch gheclach

 

Niemant hem langhen mach

 

Daerom in als, so ghy zijt schuldich

 

Verduldich v quijt

 

Want wy sullen ^† versaet zijn menichfuldich

 

Ter noot in shonghers tijt.

 

In ^‡ shonghers middel na trappoort

 

Tghelooue in Gods woort

 

Doet oprecht, soot behoort

 

Want elck mensche int dal van weene

 

^*Leeft byden broode niet alleene

 

Maer by alle woorden des Heeren reene

 

Dus ^† worpt in Godt v sorghen al

 

Die twijfelijck misual

 

Niemant hier gheuen sal

 

Hoept maer ^‡ op Godt den Heere almachtich

 

En gheensins claecht

 

Door hem geholpen so wort ghy warachtich

 

Die voor al sorghe draecht.

 

Sorghe voor ons draecht Godt eenpaer

 

Want van ons ^* hooft voorwaer

 

Mach niet een enckel haer

 

Sonder zijn wille al gheraken

* Psa. 55, 23.
mat. 6, 25.
Luc. 12, 22
1. Pet. 5, 7

† 3. re. 3, 12.
Sap. 7, 11
Luc. 12, 31.

‡ Gene. 1, *
Psa. 33, 6.
Joan. 1, 3.
Col. 1, 16.
Heb. 11, 3.

* mat. 6, 31

† Psa. 36, 8

‡ Deut. 8, 3.

* Deu. 8, 4.
mat. 4, 4.
Luc. 4, 4.

† psa. 55, 23

‡ psa. 28, 7

* 1. re. 14, 45
mat. 10, 30
Luc. 13, 7.

[fol. 97r]

 

Dus ^* beueelt den Heere uwe saken

 

En hoept op hem alleene, hy salt wel maken

 

Al ^† liet een moeder tkint int ghepijn

 

Ghy sult van Godt deuijn

 

Gheensins ^‡ vergheten zijn

 

Want hy vergheet ten gheenen stonden

 

^*Twee Musschen cleyn

 

En vreest niet ghy zijt waerdigher beuonden

 

Dan veel Musschen certeyn.

 

Waer heeft sHeeren sorchfuldich aert

 

De zijne niet bewaert?

 

Hoe sy waren beswaert

 

^†Jonam ghespaert, om spijsen gheestich

 

En ^‡ Daniel inden cuyl tempeestich

 

Door ^* Abacuc ter noot ghespijst seer keestich

 

^†Elias oock door tsRauens bedrijf

 

Spijse confortatijf

 

Ontfinck, om voeden tlijf

 

En ^‡ niet vercort zijn sHeeren handen

 

In noots gheschien

 

Dus werpt de sorge op God niet om vaillianden

 

Hy sal v wel voorsien.

 

Prince in wt oft inganck

 

Dit tijtlijck leuen lanck

 

Voor zijn ^* Ledekens vranck

 

Sorcht de Heere tallen termijne

 

Want Israels kinders ten fijne

 

Waren ^† ghespijst in de wilde woestijne

 

Gods Enghels ons wesende ontrent

 

Sorchfuldich diligent

 

Hy als bewaerders sent

 

Daeromme geensins sorcht voor den morgen

 

Om goet beschot

 

^‡Want elcken dach sal voor hem seluen sorgen

 

Oorlof, hier mede een slot.

* psa. 36, 15.

† esa. 49, 15

‡ Psa. 112, 6

* mat. 10, 29
Luc. 12, 6.

† Jon. 3, *. ende 4, *.

‡ dan. 6, 16

* Hist. van den Draec 12.

† 3. re. 17, 6

‡ nu. 11, 27
Esa. 50, 2. ende 66, 1.

* rom. 12, 5
1. co. 12, 20
Eph. 1, 23 ende 4, 16. ende 5, 23.

† exo. 16, 5
Deut. 8, 3.
2. esd. 9, 20
psa.78, 24.
sap. 16, 20.
4. esd. 1, 19
Joan. 6, 31.

‡ mat. 1, 34