Veelderhande liedekens, gemaect uut den Ouden ende Nieuwen Testamente

[Ghy Christen broeders geestelijc beraen]

C Na de wijse: Ontspringt ghy gheestkens amoreus.

GHy Christen broeders geestelijc beraen
Den woorde Gods weest onderdaen
Volghende der Schriften doceren
Want so ons Paulus claerlijck doet vermaen
^†Alle Schriftuere van Godt ontfaen
Is nut en orboorlijck om leeren
Om straffen en tleuen bekeeren

† 2. tim. 2, 16

[fol. 94r]

 

Tot gherechticheyts verstercken

 

Op dat elck vry // volcomen sy

 

Tot goede wercken.

 

^† De rechten des Heeren onwanckelbaer

 

Sijn profijtelijck ende voorwaer

 

Soeter dan honichraten

 

Waer in dat Dauid verblijde eenpaer

 

Seggende: O ^† Heere v woorden claer

 

Sijn mijn kele soet bouen maten

 

Het woort Gods is ons hier ghelaten

 

Voor alle staten, zijnde ydoone

 

Welck woort elck gheeft // diet wel beleeft

 

Alle dinck te ^‡ loone.

 

Inde Schriftuere bouen al expeert

 

Hebben wy dat therte begheert

 

Tot nootdruft van elck creatuere

 

Ist dat den hongher, ons eenichsins deert

 

Wy hebben spijse die niet en verteert

 

^*Dat is Christus tHemels broot puere

 

^†Sijn wy dorstich teenigher vre

 

Dranck ter cuere, wert ons ghegheuen

 

Want Christus reyn // is de Fonteyn

 

Van teeuwich leuen.

 

Sijn wy verblent, in duysterheyt versmoort

 

Wy hebben Christum sVaders woort

 

^‡Een licht bouen al wtghelesen

 

^*Ghelijck een morghensterre, soot behoort

 

In ons herten comende voort

 

Ter tijt dat den dach wert gheresen

 

Ist dat wy cranck zijn bouen desen

 

Om ghenesen, coemt tonsen dancke

 

Christus deuijn // ^† den Medecijn

 

Voor darme crancke.

 

Sijn wy doot, hy ^‡ is dleuen dach en nacht

 

Door wien wy hebben tverrijsenis macht

 

In een onsterffelijck lichame

 

Sijn wy verloren en verdoemt gheacht

 

Wy hebben der salicheyts cracht

 

Teghen de sonde onbequame

† psal. 19, 10

† ps. 119, 103

‡ Psa. 19, 12

* Joan. 6, 51.

†

‡ Joan. 1, 9. ende 8, 12. ende9, 5. ende 12, 35.

* 2. pe. 1, 19

† mat. 9, 12.

‡ Joan. 11, 25 ende 14, 6.

[fol. 94v]

 

^*Doot, Duyuel, en Helle infame

 

Sijn tonser vrame, heel verslonden

 

Door Christum bloot // die des doots doot

 

Selue is beuonden.

 

^† Victorie ouer doot en Helle wreet

 

Staet ons door Christum al bereet

 

Voor die tgheloouich vast betrouwen

 

Dus so Schriftuere naecktelijck verbreet

 

Doet ^‡ aen twaerachtich bruylofts cleet

 

Dats, wilt Godt int tgheloof aenschouwen

 

Des liefden daet, laet niet verflouwen

 

V sal bedouwen, Godes Gheest reene

 

Wat ghy begint // den Heer bemint

 

En dient alleene.

 

De Heere ons eenich troostlich onderstant

 

Alleene int herte dient gheplant

 

Als ieloersch wesende waerachtich

 

Van ^* dien ter rechter noch ter slincker hant

 

En wilt wijcken door gheen samblant

 

^†Fondeert v op den hoecksteen crachtich

 

^‡Want alle menschen zijn lueghenachtich

 

Dus twoort eendrachtich, wilt aencleuen

 

Op dat ghy cloeck // ^*in tleuens Boeck

 

Moecht zijn gheschreuen.

 

Om in tleuens Boeck gheschreuen te zijn

 

Verlaten dient tsviants, tswerelts fenijn

 

^†Met tvleesch lusten, begheerlijcheden

 

^‡Want vlees noch bloet, hoe heylich ooc int schijn

 

En mach besitten Gods rijcke deuijn

 

Maer moet deruen dHemelsche steden

 

^*Dus moetmen dooden daertsche leden

 

^†Geestich besneden, na de behoorte

 

Hier vuyt // deerste salicheyt spruyt

 

^‡Als wedergheboorte.

 

Dus staende in deerste salicheyt vermaeckt

 

^*Der slaep ontwaeckt

 

^†In des Heeren wijngaert, moeten wy geestich laboreren

 

^‡Voort metten schilt des geloofs onueruaert

 

^*En tsweert des geests, na Christenen aert

* Ose. 13, 14
1. cor. 15, 54

† esa. 45, 13.
Eph. 4, 8

‡ mat. 12, 11

* deu. 5, 32. ende 17, 16.

† 1. cor. 3, 12
Eph. 2, 19
1. Pet. 2, 5.

‡ ps. 116, 11
Rom. 3, 4

* ps. 69, 29
phile. 4, 3.
Apoc. 3, 5. ende 13, 8. ende 17, 8. ende 21, 27.

† Gal. 5, 17

‡ 1. cor. 15, 50.

* Col. 3, 5.

† deu. 10, 16
Ro. 2, 29.
Col. 2, 11.
Phili. 3, 3.

‡ Joan. 3, 3

* Ro. 13, 11
eph. 5, 14.

† mat. 20, 1

‡ eph. 6, 16

* heb. 4, 12
Apo. 1, 16 ende 2, 16.

[fol. 95r]

 

Moeten wy ons ten strijde keeren

 

^†Maer wie verwint tot zijnder eeren

 

Salt possesseren al te same

 

Dus wie ghy zijt // ^‡ wettelijck strijt

 

Ter tijt bequame.

 

De strijt diemen wettelijck strijden moet

 

^*En is niet teghen vleesch ende bloet

 

Maer teghen des werelts Regenten

 

Gheesten der duysterheyt, dul en verwoet

 

Die twoort Gods meenen brengen onder voet

 

^†Maer vreest geensins haer dreyghementen

 

Christum als voorbeelt wilt in prenten

 

Volghende alleene zijn affeeren

 

Wie in dees graet // staet en voort gaet

 

Niet mach hem deeren.

 

^‡Deeren noch scheyden, ons van Gods liefde mach

 

Hoochte, diepte, honger, noch sdoots geclach

 

Enghel noch eenich creatuere

 

^*Want die Godt vreest en mint nacht ende dach

 

Heeft (door sgeests cracht) in als een goet verdrach

 

Gehoorsaem zijnde int soete int suere

 

Dus inden strijt vroom ten labuere

 

Sijn vrienden puere, want so wy lesen

 

^†Die wel verstijft // volstandich blijft

 

Sal salich wesen.

† Apo. 8, 21. ende 21, 7.

‡ 2. tim. 2, 5

* Eph. 6, 12

† Esa. 51, 12
Jerem. 1, 8
mat. 10, 28
Luc. 12, 4.

‡ Ro. 8, 35.

* Eccli. 2, 11

† mat. 10, 22 ende 24, 13.
mar. 13, 13.