Veelderhande liedekens, gemaect uut den Ouden ende Nieuwen Testamente

[Godts salichmakende ghenade groot]

C Nae de wijse: Den lustelijcken Mey is nu in sinen tijt.

^*GOdts salichmakende ghenade groot
^†De liefde Christi oueruloedich
Mitsgaders de vertroostinge minioot
Des heylichs Gheests voorspoedich
In Christo Jesu reyn, sy v lieden ghemeyn
Broeders en Susters eendrachtich
Svaders Gheheylichde waerachtich.

Hertgrondige Broeders en Susters net

^*Laet v wandelinghe nu wesen
Na tEuangelie Christi onbesmet
^†So uwen roep betaemt in desen
Want Christus minnaer goet // met zijn precieus bloet
Heeft ons door tsgheests vereente
^‡Ghewijt tot een heylich Ghemeente.

Want also is Godts wille ende Raet

^*Ghelijck hy heylich is tallen stonden
Dat wy oock heylich in al onse daet
Voor hem sullen werden beuonden
so hy selue belijt // zijt heylich talder tijt
Want ick ben heylich beseuen
^†Dus volcht hem, wech, waerheyt en leuen.

Volcht nu in heylicheyt, den vrede naer

Met een yder, sonder verflouwen
^‡Sonder welcke heylicheyt gheestich claer
Niemant Godt eeuwich sal aenschouwen
Dus so Schrift verhaelt // wien dees heylicheit faelt
Is wijt van Christo verscheyden.
^*Die meynt dat hy gemeynschap heeft met Godt
Ende wandelt in duysternesse
Die liecht, doende niet der waerheyts gebot
So Joannes seght by expresse
^†Aldus begheeren wy // Christum te blijuen by
So hy wandelde voor elcx ooghen

* Tit. 2, 11.

† ioan. 3, 16.
Ephe. 5, 2

* Phil. 1, 27
Col. 1, 10.

† eph. 4, 1.

‡ Eph. 5, 27

* Leu. 19, 1.
1. pet. 1, 16.

† Joan. 14, 6

‡ Heb. 12, 14

* 1. Joan. 1, 6

† 1. Joan. 2, 6

[fol. 93v]

 

Moeten wy oock te doene pooghen.

 

^* Niet sondicht hy, die blijft in God geprent

 

Maer die sondiche boosheyt bedrijuen

 

Die hebben Godt noyt ghesien noch ghekent

 

Maer het zijn al fugitijuen

 

^†Want die niet blijuen recht // inden wijnstoc gehecht

 

Connen na Godts behaghen

 

Gheen goede vruchten draghen.

 

Mijn kinderkens, seyt Johannes ghewis

 

^‡En laet v van niemant bedrieghen

 

Wie gherechticheyt doet, gherechtich is

 

Maer wie sonde doet, met die lieghen

 

Die is wt sduyuels sin // want ^* hy van den begin

 

Sondicht als lueghenare

 

Dus goet en quaet slaet niet te gare.

 

Gheen van Adams aengheboren oncruyt

 

En laet (O Vrienden) in v rusten

 

^†Treckt heel donreynen rock der sonden vuyt

 

Doodt svleeschs begheerte met zijn lusten

 

Ende van nu voortaen // hout Christum Jesum aen

 

Als rock der wedergheboorte

 

^‡Gaet dus henen door denghe poorte.

 

Princelijcke Leden Christi vermaert

 

^*Treckt v Bruydegom te ghemoete

 

Neemt op tcruys last, want so Christus verclaert

 

^†Sijn last is licht, en zijn iock soete

 

^‡Dus als verstoruen graen // inden gheest op ghestaen

 

Verblijt wilt gaen, ter offerhande

 

^*O slachschaepkens en vreest gheen schande.

* 1. Joan. 3, 6

† Joan. 15, 4

‡ 1. Joan. 3, 7

* Gen. 3, 4.
ioan. 8, 44.

† Eph. 4, 22
Colo. 3, 9.
1. Pet. 2, 1.

‡ 4. esd. 7, 7.
Mat. 7, 13
Luc. 13, 22

* mat. 25, 6

† mt. 11, 29

‡ ioan. 12, 14

* rom. 8, 36.