Veelderhande liedekens, gemaect uut den Ouden ende Nieuwen Testamente
(1582)–Anoniem Veelderhande liedekens–
AuteursrechtvrijC Na de wijse: O Heere Godt begnade my
Ga naar margenoot*GHelijck door eens menschen misdaet
Is ghecomen tverdoemen quaet
Ouer alle Creatueren
Tsghelijcx heeftmen oock sien ghebueren
Door eens menschen rechtueerdich werck
De rechtuaerdichmakinghe sterck
Des leuens voor tverdommen
Ouer alle menschen ghecommen
Want ghelijck duer donghehoorsaemheyt
Eens menschen, sondaren planteyt
Ghecomen zijn, inder ghelijcke
Door eens menschen seer autentijcke
Ghehoorsaemheyt eerweerdich
Werden vele rechtueerdich.
Ga naar margenoot* Ghecomen is tsWets onderstant
Op dat de sonder douerhant
In elcken cant voorspoedich
Soude nemen seer oueruloedich
Maer waer de sonde heeft gheleeft
Douerhant ghenomen heeft
| |
[Folio 91v]
| |
Het ghenadich veruromen
Heeft daer meer douerhant ghenomen
Op dat ghelijck de sonde fel
Gheregneert heeft, tot sdoots ghequel
Also moet oock door Christum naect
Inder gherechticheyt volmaect
De ghenade regneren
Tot tsleuens glorieren.
Ga naar margenoot† Wat ist datmen hier toe segghen can
Sullen wy in sonden blijuen dan
Op dat ghenade reene
De ouerhant neme alleene?
Verre sy dat van ons altoos
Hoe souden wy in sonden boos
Noch leuen, die zijn gheestich
Ghestoruen der sonden tempeestich
Weet ghy niet dat wy alle die fijn
Ga naar margenoot‡In Jesum Christum ghedoopt zijn
Dat wy ghedoopt zijn in zijn doot
Begrauen door tDoopsel minioot
Met hem in sdoots verweruen
Als die niet meer en steruen.
Ga naar margenoot* Op dat (ghelijck Christus perfect
Vander doot is heerlijck verwect
Door zijn Vader verheuen)
Wy oock so Ga naar margenoot† wandelen int nieu leuen
Want worden wy met hem gheplant
Ter ghelijcker doot, triumphant
Ga naar margenoot‡So sulwy by expresse
Ghelijck zijn der verrijsenesse
Wetende dat onsen mensche out
Met hem ghecruyst is menichfout
Op dat het sondich lichaem voort
Viere, gheestelijck soot behoort
En voort teenighen stonden
Niet meer diene der sonden.
Ga naar margenoot* Want wie ghestoruen is ghewis
Gherechtueerdicht der sonden is
Sijn wy dan ghestoruen lustich
| |
[Folio 92r]
| |
Met Christo begrauen gherustich
So gheloouen wy oock voorwaer
Met hem te leuene eenpaer
Wetende bouen desen
Dat Christus vander doot verresen
Niet meer en sterft, dus sdoots partije
Sal voortaen niet meer heerschappije
Hebben ouer hem, want certeyn
Dat hy ghestoruen is alleyn
Is hy vry onbedoruen
Der sonden eens ghestoruen.
Ga naar margenoot† Maer dat hy leeft, dat leeft hy Godt
Also ghy oock, dus na tghebot
Hout v daer voor ten fijne
Der sonden ghestoruen te zijne
En Gode leeft obedient
Door Jesum Christum excellent
Ons Heere gracieusich
Dus laet de sonde doloreusich
Ga naar margenoot‡Gheen heerschappie hebben bequaem
In v aertsch sterffelijck lichaem
Ghehoorsaem wesende in daet
Sijne lusten puer obstinaet
Laet tquaet zaet van v wenden
Ga naar margenoot*Lijt, strijt als de bekenden.
Ga naar margenoot† V leden oock niet en begeeft
Tzijne wapenen onbeleeft
Ongerechtich, fenijnich
Ga naar margenoot‡Maer begeeft v God celesijnich
Als die ghene die nu ter tijt
Wt den doode leuende zijt
Ende Gode uwe leden
Tot wapen der gherechticheden
Want de sonde en sal ouer v gheen
Heerschappie connen hebben ghemeen
Want ghy niet meer sondich besmet
Sijn onder de ghegheuen Wet
Maer onder de Ghenade
Vry vander sielen schade.
| |
[Folio 92v]
| |
Ga naar margenoot* Hoe dan sullen wy sondigen fijn?
Nu wy niet onder de Wet en zijn
Maer onder het beschermen
Van het ghenadich ontfermen
Verre van ons dat wesen moet
En zijt ghy niet van desen vroet
Ga naar margenoot†Den welcken ghy v tot knechten
Begheeft, ghehoorsamich na rechten
Dies knechten zijt ghy ongefaelgeert
Dien ghy ghehoorsaem obedieert
Het sy der sonden totter doot
Oft de ghehoorsaemheyt minioot
Ter gherechticheyt puerlijck
Die tleuen gheeft vercuerlijck.
Ga naar margenoot‡ Ghedanckt sy God, hooghe vermaert
Dat ghy der sonden knechten waert
Maer nu ghehoorsaem seere
Sijt in de manier en leere
Dien ghy begeuen zijt, want ghy
Ga naar margenoot*Gheworden zijt der sonden vry
So zijt ghy knechten pluchtich
Der gherechticheden Godturuchtich
Ick wil menschelijck spreken daer of
Om des vleeschs wille cranck als stof
Ghelijck ghy in certeynicheyt
Totten dienst der onreynicheyt
V leden gaeft vailliander
Van deen boosheyt tot dander.
Ga naar margenoot† Tot heylicheyt v leden biet
Dat sy recht zijn, en anders niet
Want zijnde der sonden slauen
Doen waert ghy der doot niet begrauen
Wat vruchten hadt ghy doen versaemt
Van welcken dat ghy v nu schaemt
Want sulcks is de doot tende
Maer vry zijnde der sonden ellende
En knechten der gherechticheyt net
So hebt ghy vruchten onbesmet
En teynde is tleuen ydoon
| |
[Folio 93r]
| |
Ga naar margenoot‡Want de doot is der sonden loon
Maer Godts gaue verheuen
Die is dat eeuwich leuen.
|
|