Veelderhande liedekens, gemaect uut den Ouden ende Nieuwen Testamente

§ Na de wijse: alst begint. Oft: O Sion wilt v vergaren.

DE ^* winter is verganghen
Ick sie des Meys virtuyt
Ick sie de loouers hanghen
De bloemkens staen int cruyt
Seer wijdt dat sy ontluycken
Sy staen in haer saysoen
De cruyden lustich ruycken
^† De Mey staet schoon en groen.

Ick meyn den Mey met desen
Die de werelt niet en siet
Dat is tgheloof ghepresen
Cruyt, gras en meyn ick niet
^‡ Maer alle vruchtbaer rancken
Wt Christum den wijngaert
Die Godt louen en dancken
Dit zijn druyuen vermaert.

^* De vijchboom staet ontloken
Met botten wt ghebloeyt
De wijnstock soet van roken

* Can.2,11.

† Can.2,12.

‡ Ioan.15,5

* Can.2,13.

[fol. 54r]

 

Seer vruchtbaer dat hy groeyt

 

^† Godts wtuercoren songhen

 

Daer een seer soet accoort

 

Met nieu gheloouighe tonghen

 

Soeter sanck was noyt ghehoort.

 

 

 

Mijn gheest veriubileerde

 

Van desen lof ghesanck

 

Mijn hert hem omme keerde

 

En gaf Godt prijs en danck

 

^‡ Doen ginck ick my vermeyen

 

In Sions hof playsant

 

En sochte mijn lief met schreyen

 

Die ick te Ierusalem vant.

 

 

 

^* Ick gaf hem mijne trouwe

 

^† De Bruygom triumphant

 

^‡ Hy nam my tot zijn vrouwe

 

^* tack een rinck aen mijn hant

 

Wie sou de groote vruechde

 

Doch moghen spreken vuyt

 

Hy riep, dies ick verhuechde

 

^† Coemt dochter lieue Bruyt.

 

 

 

^‡ Coemt hier mijn Bruyt, mijn schoone

 

Aensiet nu dees contrey

 

^* Ontfangt nu uwe croone

 

En maeckt niet meer gheschrey

 

^† Ghy moet O schoone roose

 

Onder de dorens fel

 

Wassen een cleyne poose

 

En lijden groot ghequel.

 

 

 

^‡ Van bouen wt den hooghen

 

Wert ghy mijn Bruyt bespoeyt

 

Hoe can de boom verdrooghen

 

Daer die fonteyn op vloeyt

 

^* Wint, coude, vier noch hetten

 

En grijpt aen hem gheen stat

 

Gheen dinck en mach hem letten

 

^† Van hem en valt gheen blat.

 

 

 

^‡ Op seuen berghen pleynen

 

Stonden Roos en Lelien goet

† Apo.5,9.

‡ Cant.6,2.

* 2.cor.11,4

† ioan.3,29.

‡ apo.19,7

* luc.15,22

† Can.4,8.

‡ can.2,10. ende 4,7.

* 4.Esdr.2,43. 2.tim.4,8

† Can.2,2.

‡ Esa.44,3 Ese.36,27 Ioel.2,28. Sac.12,10

* ro.8,38.

† Psal.1,4.

‡ 4.Esdr.2,19.

[fol. 54v]

 

En oock seer veel fonteynen

 

Vol melck en honich soet

 

Ick hoorde bouen musijcke

 

^* Singhen met soet gheluyt

 

De edel Bruyt Cantijcke

 

^† Dat tortelduyfken ruyt.

 

 

 

Mijn tong macht niet vermonden

 

tVerstant is veel te cleyn

 

^‡ Gheen mensch en macht doorgronden

 

Die schoone vruecht ghemeyn

 

Als my mijn lief ontmoette

 

Die hem tot mijwaert de

 

Lieffelijck hy my groette

 

^* Met eenen cus des vre.

 

 

 

^† Een druyuen coffer pleyne

 

Is mijn vrient delicaet

 

^‡ Een bussel Myrren reyne

 

^* Een appelhof granaet

 

^† Sijn ooghen als duyuen ooghen

 

^‡ Ons bedde groenet fijn

 

tHuys balcken sonder drooghen

 

Ceder en Cypressen zijn.

 

 

 

^* Tot Saron wast een blomme

 

Een Roos int soete dal

 

^† De wreede dorens cromme

 

Staken haer ouer al

 

^‡ De Sonne quam haer pijnen

 

Steken als brant en gloet

 

Maer schadu doort omschijnen

 

Maeckte haer smerte soet.

 

 

 

^* Sijn aenschijn is so rustich

 

Als Cruythof vol beplant

 

Sijn lippen als roosen lustich

 

Van myrren vloeyt vailliant

 

^† Sijn handen wilt dit hooren

 

Als gulden ringhen ient

 

Vol Turkoysen, als yuooren

 

Is zijn lichaem pertinent.

 

 

 

^‡ Hy is in mijnder herten

* Apo.5,9. ende 15,3.

† Can.2,12

‡ 1.Cor.2,9

* Cant.1,1.

† Can.1,13

‡ Can.1,12

* Can.4,13

† Can.5,12

‡ Can.1,15

* Cant.2,1.

† Cant.2,2.

‡ Cant.1,5.

* Cant.5,13

† Can.5,14

‡ Cant.8,6.

[fol. 55r]

 

Ghedruckt als seghel bloot

 

^* Noot, angst, pijn, druck oft smerte

 

Sweert, hongher, vier noch doot

 

En sal my moghen scheyden

 

Als hy my bystant doet

 

Dus wil ick hem verbeyden

 

^† Bewaert Heer mijnen voet

 

 

 

Prince Godt van hier bouen

 

^‡ Vader, Soon, heylich Gheest

 

Tis recht dat wy v louen

 

Ghy die ons siel gheneest

 

O Heere wilt my stercken

 

In alle lijdens noot

 

O Godt wilt in my wercken

 

^* Volstandicheyt ter doot.

* Ro.8,35.

† Pro.4,26

‡ 1.Ioan.5,7

* mat.10,22 ende 24,13.