Veelderhande liedekens, gemaect uut den Ouden ende Nieuwen Testamente

[DEs Gheestes iuecht]

§ Na de wijse: Dees Meysche iuecht. Oft: Menschen eerbaer. Oft: Niemant wel can.

DEs Gheestes iuecht
^‡ Doet Christus rancken lustich groeyen
Vruchtbaer in duecht
Staen sy seer schoon in haren bloeyen
^* Leuende waters op haer vloeyen
Wt Christum de fonteyne claer
Tghelooue spruyt//de liefde ontsluyt
^† Nu in dit aenghename Iaer.

^‡ De winter cout
Noch reghen, is niet meer voorhanden
Godts Gheest bedout
Seer menichfout, simpel verstanden
Spruyten seer menichranden
De bloemkens reyn van ruecke soet
Schoon en playsant//seer triumphant
Mijn hert van vruechden singhen moet.

‡ Ioan.15,2

* Ioan.7,38.

† 2.Cor.6,2

‡ Can.2,11

[fol. 52v]

 

Nu vrienden voort

 

Wilt v tot Godt inwendich keeren

 

Want ons behoort

 

In desen tijt te iubileren

 

^* Ende in de wet des Heeren

 

Vruecht te vermeeren, vroech ende laet

 

Met herten bly//want wy zijn vry

 

Volherden wy, met hert en daet.

 

 

 

Der Sonnen glans

 

Heeft mist en neuel doen verdwijnen

 

Ons herten gans

 

Heeft Godt met waerheyt doen doorschijnen

 

Veel claerder dan Robijnen

 

Laet ons doch pijnen, tis meer dan tijt

 

Met daet, met cracht//vreed en eendracht

 

Te gaen met macht, int slichts beurijt.

 

 

 

In zijn saysoen

 

^† Staet de wijnstock seer soet van roken

 

De vijchboom groen

 

Heeft zijne botten wijt ontloken

 

^‡ De Olijftacken ghebroken

 

Heeft Godt door tonghelooue fenijn

 

Wy Heydens stuer//wilt van natuer

 

Wt goetheyt puer, inghelijft zijn.

 

 

 

^* V niet beroemt

 

Teghen de tacken tgheenen tijden

 

Vreest, beeft en schroemt

 

Oft Godt sal v seer haest afsnijden

 

Ghelijck hy dede sonder mijden

 

De eyghen tacken van haren stam

 

Dus liefde orboort//eendracht accoort

 

^† So zijt ghijt zaet van Abraham.

 

 

 

^‡ De wet hoort my

 

Haer heerschappy, die is nu duere

 

^* Nu kennen wy

 

Tot desen ty, gheen creatuere

 

Na den vleesch tot deser vre

 

^† Den deesem suere, is al vergaen

 

^‡ tHooft vant Serpent//is nu gheschent

* Psal.1,2.

† Can.2,13, ende 15.

‡ Ro.11,17.

* Ro.11,18.

† Ioan.8,39.

‡ Ro.7,4

* 2.cor.5,16

† 1.Cor.5,6

‡ Gen.3,15

[fol. 53r]

 

^* Opt fondament, wilt blijuen staen.

 

 

 

Verstaet dit Liet

 

Smaeckt ende siet, ghy mijn beminden

 

^† En waeyt doch niet

 

Alst wilde riet, met alle winden

 

^‡ En weest niet als de blinden

 

Die niet en vinden, den rechten padt

 

^* De dach schijnt plaen//dus laet ons gaen

 

Twert ons gheraen, ^† na tsHemels stadt.

 

 

 

Dochter coemt vuyt

 

^‡ Mijn schoone bruyt, laet v niet dwinghen

 

Mijn lieue spruyt

 

Met soet gheluyt, wilt lofsanck singhen

 

Laet een Fonteyn ontspringhen

 

Door het volbringhen, van mijn ghebot

 

^* Werckt onueruaert//in den wijngaert

 

Ghy wert bewaert, ick ben v slot.

 

 

 

^† V niet en vreest

 

Voor gheen tempeest, wilt my verbeyden

 

In dit foreest

 

^‡ Sal mijnen Gheest, v stueren, leyden

 

In alle mijne weyden

 

^* Wie mach v scheyden, van mijnder leer

 

Geen druck so groot//sweert, vier noch doot

 

Reyn roosken root, al sydy teer.

 

 

 

^‡ Mijn roosken snel

 

De dorens fel, sult ghy ontmoeten

 

Wreet en rebel

 

Met groot ghequel, v vel doorwroeten

 

Door hooft, handen en voeten

 

Ick sal versoeten, v lijden swaer

 

Door mijns Gheests troost//hout mijn propoost

 

Verbeyt den Oogst, ghy cleyne schaer.

 

 

 

Och Broeders fijn

 

En wilt hoort mijn, niet iubileren

 

In ydel schijn

 

Wy moeten zijn, ^‡ die haer verneren

 

Als ander triumpheren

 

Ende domineren, wy moeten al

* 1.Cor.3,11

† ephe.4,14

‡ mat.15,14

* Ro.13,12.

† apo.21,2

‡ Can.4,8.

* Mat.20,1

† mat.10,28 Luc.12,4.

‡ Ioan.16,13

* Ro.8,39.

‡ Cant.2,2.

‡ mat.23,11. Luc.14,11 1.Pet.5,6

[fol. 53v]

 

Worden bedroeft//^* doort vier beproeft

 

Want dat behoeft, t Christen ghetal.

 

 

 

Die dit Liet schinckt

 

Bidt dat ghijt singt, recht als die temmen

 

Dat ghy niet dinckt

 

Hoe dattet clinckt, op voys oft stemmen

 

Laet wt v herte swemmen

 

Het sal door clemmen, de wolcken net

 

En luyden wel//^‡ als snaren spel

 

Na Godts beuel, reyn onbesmet.

 

 

 

Ick swacke knecht

 

Roep niet om recht, maer om ghenade

 

Al ben ick slecht

 

Ick ouerlegt, vroech ende spade

 

^‡ Hoe ick wt Adams zade

 

Groot van misdade, sondich doorwont

 

Ben voort ghebaert//twelck my beswaert

 

Prince vergaert, spaert en bewaert, in v verbont.

* psa.66,10 Pro.17,3 zach.13,9. Mala.3,3. Sapi.3,5. Eccli.2,5. 1.Pet.1,6

‡ Apo.5,8.

‡ Psa.51,7.