Logo DBNL
Van den doechden der vuriger ende stichtiger susteren van Diepen Veen (1904)

Van den doechden der vuriger ende stichtiger susteren van Diepen Veen

(1904)–Anoniem Van den doechden der vuriger ende stichtiger susteren van diepen veen–rechtenstatus Auteursrecht onbekend

Vorige Volgende

XI.
Van suster salomee van den wiel die oelde.

(Matthaeus, Vita virginis nobilissimae Elisabethae van Heenvliet et quarundam aliarum in coenobio de Diepenveen, apud Transisalanos - te vinden achter zijn Anonymi Chronicon ducum Brabantiae -, p. 255-264).

Van suster salomee van den wiel die oeldea).

EEn eersam rijck schepen, wonnende toe worcum1), genoemt Iohan van den wiel, ende was een hovet van al der stat Ende hadde ene eerbaer ionfer toe wijve, genoemt clara2), ende was van gueder ridderschap. Dese twie cregen vele kynder te samen. Ende ene3) van sijnen soens den brachte4) hij in een cloester by huesden5), daer sijn+bruder abbet6) was. Ende als dese ionge monick7) daer ene wijle ‖ gewont hadde· soe toech hij op een tijt te huys tot sinen olders om hem te vermaken. Ende onder des dat hi daer8) was, soe gevyelt dat daer9) een starf, daer die yonge gesellen voel ydelheit ende geckheit over dreven10), als sij daer over waeckten. Daer was dese yonge monyck des nachtes mede11). Hij toech sijn habijt12) wt ende dede werlike cleeder an, omme13) dat

mens niet kennen en solde1)· ende was yoe soe geck2) als die anderen. Ende als dit des nachtes geschiet was, soe vernamt sijn vader des margens· ende was daer seer quellike in te vreden - Want hij was een stemmych3) eerbaer man - Ende vragede sinen sone, welck thonis4) geheyten was·+of hij dat in sijn cloester geleert had- ‖ de· ende of hij daer om te cloester gegaen weer alsulke geckheit toe bedrijven. Doe antwoerde hij sinen vader ende segede· ‘waer omme hebdy my daer gebracht5) ❘ die mytten wolven omme gaet, die moet mytten wolven hulen.’6) Doe waert die guede man noch meer bedrucket, want hij hielt sine kinder tot allen doechden7). Ende hij en dorstes niet eens gedacht hebben doe hij noch myt sinen vader wonde· want doe plach hij soe gueden goddienstigen kint te wesen. Die vader ontboet8) synen brueder den abbet van den cloester, hoe dat hem sijn sone gehadt hadde. Ende die vader toech daer na selven tot sinen brueder den abbet ende apenbaerde hem den inwendigen druck sijns herten+Also dat die abt9) ‖ seer begaen waert om sijns brueders willen. Ende soe vroe als bruder tonis10) weder in sijn cloester quam, soe sende hem sijn oem die abbet toe zwolle ter scholen myt enen knecht, die hem dienen solde. Ende sie toegen toe samen heen; ende doe sij toe zwolle quemen, bestaden sij hem11) in die alre rijckste ende warlicste harberge die daer was. Doe tijrde hij hem12) daer een wijltijds, als die yonghe werlike gesellen plegen te doen, in allen spoel ende geckheit, die men

bedencken conde. Ende op een tijt int leste van den vastelavent1) quam hij ter herten· ende genck int fraterhuysa) toe bijchte tot here deryck van harcksen2)b) Ende hij bijchte sine sunden ront wt als sij weren. Ende ‖+als hij absolucie3) begeerde, doe sach hem die priester an ende segede: ‘Hoe solde ic u absolvyeren4)· gy en levet niet als een monick, mer als een boeve.’ Ende in desen waert hij soe seer geslagen ende bedrucket in hem selven Ende hij bat genade ende begeerde geabsolviert te wesen; mer wat hij bat, hij moste sonder absolucie heen gaen. Ene corte tijt hijr na soe quam hij weder tot hem mit groten berou ende myt dieper oetmodicheit Ende viel voer den priester neder op sine knien myt gevoelden handen ende bat hem weder om absolucie Ende lavede hem ewelijke te beteren ende te leven na sinen guetduncken ende raede. Doe absolvierde+hij hem te hant myt groter goddiensticheit. Ende ‖ die beteringe die hij belavede, began hij toe hants myt groter vuricheit. Ende cort daer na sande hij sinen knecht te huys· ende verliet die werlike harberge· ende alle werlike geselschap Ende bestaede hem myt5) here derick van harxcen ende gaf hem daer seer oetmodelijc6) onder te leven na sijnen raede. Ende van sijnre haestiger beceringe7) verwonderden hem alle die geene die hem canden. Ende hij genck vurichlike voert in allen doechden· ende gaf hem seer tot oetmodigen werken ende sette hem menlike tegen sine natuer. Ende soe waer dat hij hem toe geneyget voelde Als in eten, in drincken, in slapen, in waken - Want van naturen was hij vol slapes -·+daer sette hij hem soe crachtelike tegen, dat hij des nach- ‖ tes niet dan twie uren en sliep. Ende onder wijlen als hem die slaep seer moyelijc was8), soe genck hij voer een apen vinster staen· daer hij wt conde vallen· op dat hij mytten anxte den slaep verwynnen solde.

- Des sommers na sijnre bekierynge soe quam soe groten sterfte toe zwolle, dat alle die claercke te huys toegen, behalven1) hij alleene2) Ende die int rijke fraterhuysa) weren bleven en deel· ende die pestelencie quam onder die clercke· ende priesters in here deryck van harcksens huys. Doe was dese brueder thonis3) myt also groter vuricheit begavet Dat hij den sieken ende stervenden also trouwelike by stont in allen dingen, die sie behoefden ende hem noet weren. Den stervenden hielt hij die keerse+in die hantb); ‖ ende als sij doet weren, soe toech hij sij allene van den bedde· ende legede sij in die kiste om sij te begraven. Dit was een teyken sijnre waerachtiger becyeringe· dat hij hem selven also sette in4) den doet. Ende als die starfte over was, soe bekierde hij een deel werliker gesellen· daer hij conversacie5) mede te heben plach, eer hij hem bekierde Ende halp hem dat sie in cloesteren quemen.

- Als hi6) een wijltijdes in deser vuricheit geweest hadde, soe waert sijn natuerlike vader totter doet toe sieck Ende hij ontboet sinen sone thonis7) dat hij tot hem queme, als hij dede. Ende als die vader sinen sone sach in also hilligen ende oetmodigen staete, so waert hij alte seer+verblijt. Ende ‖ die sone en dede giene cleyne vrucht in sinen vader ❘ ende in een van sinen susteren. Hij leerde sinen vader, ho hij leven solde in sinen state Ende sijn8) suster legede hij an9) dat sij hoer bekieren solde ende pries hoer seer den ionferliken staet10) Want sie genck op hoer vryen11) ende solde te hant in die echt gebracht warden. Mer hij lach

hoer heymelijc1) an2), dattes hoer olders niet en wisten, dat sij onsen lieven heren dienen solde. Ende als hij daer een tijt lanck geweest hadde· soe nam hij oerlof3) van sinen vader ende toech weder toe zwolle Mer sijn suster salomee, die hij geerne bekiert hadde, die nam hij mytten herten mede. Ende als hij weder toe zwolle quam, soe sande hij sijnre+sus- ‖ ter toe hant iij boeke, daer sie hoer in oefenen solde Dat ene was ‘van der reynicheit’a) ❘ dat ander ‘die vier utersten’b), dat derde ‘die4) vier oefenyngen’c). Ende dese drie boecken deden grote vrucht in hoer. Die guede goddienstige5) brueder thomas6) was toe zwolle mytten licham· mer sijn herte was vaeke by sijnre suster omme die van daer te crijgen Dat sij hoer leven beteren mochte ende onsen lieven heren dienen by gueden menschen. Omtrynt een half yaer hijr na soe nam hij een oersaeke weder tot sijnen vader te trecken Dat hij wolde besien hoet myt hem weer ❘ want hij soe sieck geweest hadde Mer sijn suster salomee was die saeke7). Ende als hij daer gecomen was· soe was hij seer vlijtich dach ende+nacht om sijn suster toe ‖ trecken tot onsen lieven heren.

- Ende want sijn vader sinen syn of menynge niet en wiste, soe

myshagedet hem dat sijn sone soe lange by hem bleef Ende vragede hem, hoe dat hij daer soe lange toevede. Doe antwoerde hij hem al behoetelijc1) weder ende segede2)· ‘ic verwachte die bruloft van mijnre suster, die te hant anstaende is·’a) doe liet hij hem myt vreden.

 

- Daer na, doe men den lesten dach holden solde ende sijn vader daer gereden was om die bruloft te maken3) Soe twijvelde der moder toe male seer ende hadde anxt dat hij sie4) bekieren solde. Ende maeckte ene eerbaer vrouwe wt5), der siet druckelike clagede· ende begeerde van hoer dat sijt van hore dochter vernemen solde wat sij in den synne hadde.+Die vrouwe ‖ genck salomee seer behendelijc an ❘ ende vragede hoer wat hoer syn weer Ende mysriet hoer seer den geesteliken6) staet. Ende sij antwoerde hoer al behentelike weder ende segede: ‘Daer en dorst gij niet eens op dencken of anxt voer heben dat ic dat doen sal.’ Mer dat sij inden herten vastelijc gesat hadde, dat verbaerch sij hoer ❘ ende daer en was sij niet of te raden. Die vrouwe scheyde van hoer wal getroestet ende segede dit hore moder. Mer des anderen dages vroe soe dede sij enen menliken7) strijt ende gaf al om al8) ende toech myt horen brueder thonis9) toe zwolle al heymelijc Omme ten diepenveen te comen ende aldaer een geestelijc leven te leyden.

+- Ende als sij myt horen brue- ‖ der toe zwolle gecomen was, soe was hij seer vlijtich hoer ten diepenveen ene stede te vercrijgen Ende legede hem an10) den11) pryoer van windesem12) ende an onsen weerdigen vader here iohan brinckerinck. Ende sij weren hem seer mynlijc, soe dat hij sine begeerte vercreech. Ende hij brachte sijn suster ten diepenveen op sante Nicholaüs dachb)· daer sij seer mynlijc

ontfangen1) waert. Mer hoer vader ende moder ende al hoer vrende weren seer verwoet op horen brueder ❘ om dat hij si also bedragen hadde myt sijnre suster Also dat hij lange tijt niet weder en mochte comen onder die ogen sijnre vrende. Mer die moder die wter maten seer bedrucket+was, en liet niet of ‖ alle maent hoer baden ten diepenveen te senden om hoer dochter toe besmeyken2)· ende weder te huys te brengen Ende dit duurde ene lange tijt. Mer die baden en vonden sij niet bereyt myt hem te trecken Want sij was gefondiert op den vasten stien cristus Ihesusa), also dat sij onbeweechlijc bleef. Als dese baden niet in hoer vorderen en mochten ❘ soe sande sie3) hoer alten sueten4) treckeliken5) brief6). Ende die brief luude also wonderlijc abel ende treckelijc, dat here iohan brinckerinck segede datten die duvel gedichtet7) hadde ende gien mensche. Ende hij en lieten suster salome niet lesen, mer hij segede hoer daer wat wt.+Op desen brief schrief sij hore moder enen brief weder Als dat ‖ sij begeerde dat sij hoer hore8) te vreden wolde setten Want sij weer hoere te vreden· ende alle der geenre daer sij of gecomen weer9) ❘ om dat sij hoer van onsen lieven heren wolden trecken Ende weert saeke dat sij hoer daer niet in lijden en conde dat sij ten diepenvene weer ❘ so wolde sij also veer trecken dat sij nummer van hoer eyschen en solde. Dese brief quam overmyds die ordinanciën godes ierst an horen brueder thonis10), die doe in sijn cloester was. Ende als hij die opschrift11) als, soe dede hij den brief op ende sach wat daer in stont. Ende als hijen gelesen hadde ende hem wal behagede, soe dede hij den brief weder toe Ende toech heen om hoer12) den brief seleven toe brengen. Ende onder wegen ‖+hadde hij twie susteren wonen, die inder echt weren· dese nam hij myt hem om sijn moder te troesten. Ende als hij tot sijns vader huys quam, soe dede13) hij sijnre moder den brief, als of hij nergens van geweten en

hadde. Ende als sijn moder den brief gelesen hadde, soe liet1) sij als een onsynnich wijf ende en was niet te troesten. Als dit hoer oldeste dochter sach· van groten druck ende medelijden hore moder soe waert sie sieck Ende starf daer by hore moder in eenre maent tijds· myt groten berou hore sunden Ende sij ontboet hoere suster salome dat sij solde blijven by onsen lieven heren in horen gueden opsat. Mer die moder en liet niet of+al die maent doer dat die dochter daer sieck ‖ lach· den brief in allen steden te senden, daer sij vrende hadde Den hoer dochter2) salomee hoer gesant hadde· ende begeerde hulpe van hem hoer dochter weder wt den cloester te crijgen. Ende als sij hoer dochter begraven hadde· soe genc sij tot horen man ende begeerde oerlof van hem dat sij hoer dochter ten diepenveen weder wt den cloester most3) haelen Ende segede tot hem: ‘ist dat gy my geen oerlof en wilt geven· so wil ic nochtans allikewal4) heen.’ Doe antwaerde hij hoer weder: ‘wil gijt allikewal doen, waer omme bidde gy my dan oerlof?’

- Des anderen dages toech sij hen mit groter haest ende nam horen sone here thonis5) mede· ende hoer ander dochtera) Ende sie liet achter6)+die begenckenisse7) ‖ hore doder dochter· ende quam ten diepenveen mit groter drift. Ende als sij daer gecomen weren onder die homysse, soe vragede sij na hoer dochter8) saelken, want also plach si sie te heyten. Sie waert seer mynlike ontfangen ende getoevet ❘ ende segeden hoer dat hoer dochter ter stont comen solde. Ende men sande haestelijc om salomee, die een stucke weges van den cloester was ende halp die koen melcken. Ende sij brachten hoer ander cleder, die sij antrecken solde ende comen haestelijc tot hore moder. Ende als die9) homysse wt was, soe waerdet onsen vader here iohan brinckerinck te weten gedaen· die die mysse gesongen hadde. Doe quam hij tot hem ende sprack hem seer mynlike toe. Ende10) wat sij wachten, salomee en quam niet voert Also dat+on- ‖ se vader here iohan selven na hoer genc Want sij weren begaen

dat sij niet voert en quam ❘ ende en dorstens niet lyen1) dat sij om alsulke saeken wt was als die koen te melcken. Ende als onse weerdige vader by hoer quam, soe was hij hoer seer troestelijc Ende segede hoer dat hoer moder ende hoer brueder ende suster daer weren om sij weder van daer te halen ❘ ende dat hoer oldeste suster wtter tijt weer. Ende als sij dan bet gecleet was dan sie gewoenlijc was, soe quam sie tot hore moder ende hiet sie vrentelike willecome. Ende hoer moder waert seer wiemodich ❘ ende hertelike schreyende2) Ende segede hoer mit groter droefheit dat ‖+hoer suster gestorven weer. Ende als sij ene corte tijt toe samen allene hadden gespraken· soe segede sie hore dochter toe: ‘Saelken, wy moten haestelike heen, die waghen verwachtet onser.’3) Doe segede salomee ❘ ‘moder, wy moeten ummer iersten eten, het is groet vasteldach’4) - Want het was quatertemper in den herfsta) -; doe bleef sij daer noch, om dat salomee wat eten solde. Mer sie noch hoer ander dochter en eten niet ❘ want sie hadden voer genamen op diepenveen te eten noch te drincken Mer sie gengen sitten an die tafel by salomee. Ende als sie sach die oetmodige manier hore dochter, soe segede sij tot hoere ander dochter:+‘Siet lijnken, hoe is de-5) ‖ se mensche alriede verwandelt ❘’ ende sie en condens hem niet te vollen verwonderen. Ende als daer gegeten was, soe genck die moder tot eenre nonnen, die daer een gast was - Ende myende dattet die priorynne van diepenveen6) hadde geweest - Ende danckte hoer seer dat sie hore dochter soe guedertieren hadde geweest ❘ sie wolde sie nu mede nemen. Doe seyde7) hoer dochter salomee tot hoer: ‘Moder, het en is onse priorynne niet, want die is in den slate.’8) Doe wolde sie

hoer nichte van naeldewica) noch iersten toe spreken· mer sie kreech voer hoer suster hille sonderlantsb) Ende sie danckte sie ock seer van+hore dochter wegen: sie wolde sie nu me- ‖ de te huys nemen. Doe maeckte siet1) hoer swaer2) ende segede, of sie hoer dochter van onsen lieven heren trecken wolde, nu siet selven vercaren hadde. Mer sie haddet soe in hoer begrijp, dat sij sie ommer mede wolde heben· ende myende sonder vertreck voert hen te varen. Mer salomee hoer dochter toevede sij3) noch ende segede hoer, waer sie hene wolde· sie soldet doch daer voert4) wat besien, nu sie daer doch weer. Doe gengen sie toe gader ende besegent hijr over al. Ende doe sie quemen op een heymelike stede, soe gengen sie daer te gader neder sitten. Doe besach die eersame vrouwe+hoer dochter ‖ van den hoevede totten voeten, wat sie an hadde Ende sie genck hoer seer vrentelijc an ende hadde sie geerne besmeyket Mer sie stont onbewegelijc als ene vaste muer in onsen lieven heren. In twien ofte in drien steden stonden die gasten ❘ beyde mans ende vrouwen· ende verwachten dat eynde van desen strijde. Ende als die moder ende die suster lange gearbeyt hadden· soe en mochten sie an hoer niet gewynnen Want sie segede: om al dat hoer toe comen mochte, soe en wolde sie van diepenveen niet scheyden Ende sie en wolde van horen gueden opset+onsen lieven heren te dienen niet gaen: ‖ sie wolde ten diepen veen leven ende sterven. Ende als sie hoerde dat sij niet an hoer wynnen en conde· soe stont sie op ende genck van der steden Ende quam daer onse vader here iohan brinckerinck5) stont ende here thonis6) ende gerijt van rijsenc) ❘ ende verwachten dat eynde hijr van. Ende als sie by hem quam, soe sprack hoer onse vader seer vrentelike toe Ende hiet dat men sie int priester reventer solde brengen· ende schencken sie7). Doe gengen sie te

samen int reventer ❘ ende als sie daer weren, soe danckte sie onsen vader here iohan dat hij hoer dochter guedertieren hadde geweest: sie wolden+nu te samen varen. Doe antwoerde hij hoer weder ende ‖ segede· ‘dat stiet alte male an hoer, weer sie blijft of1) myt u vaert’ Doe greep sij horen sone by der cappen2) ende segede· ‘here, ic clage u over desen logener ende valschen verraeder ende bedrieger Die my dit gedaen heeft ende myn dochter aldus verleyt heeft.’ Doe nam here thonis3) sijn moder ende sijn suster by der hant ende stont soe tusschen hem beyden ende segede: ‘Moder, myn suster heeft hijr nu ene wijle geweest ❘ sie weet nu wal, hoe dattet hijr gelegen is Ende wat sie hijr gehad heeft ende wat sie heben mach. Ende sie weet, wat sie by u heeft gehadt ende wat sie noch hebben mach· nu staedet alte male an hoer, wat sie nu doen wil ende+wat sie verkieset;’4) ‖ doe sprack salomee: sie wolde hijr leven ende sterven· ock soe wat hoer hijr toe queme.

- Als die moder dit hoerde, soe sprack sie wt enen wiemodigen bedruckten herten ende segede tot onsen vader: ‘Here, ist dat gy sie tegen mynen willen holt, ic en geve u nummer hellinck5) of pennynck myt hoer.’6) Ende onse vader here iohan antwoerde hoer al prophetierende ende segede: ‘Holt u guet ende latet dat daer gy wilt; het sal u cort ende cleyn genoech vallen.’7) Alst cort daer na gevyel ❘ want al hoer guet ontgenc hem8) ❘ ende hoer slot9) dreef en wech van ebbinge10) der zee+Also dat sie niet11) en had- ‖ den dan dat hem hoer sone gaf, want die moste sie voeden. Ende doe sie sach dat sie niet vorderen en conde an hoer dochter ❘ doe toech si toe deventer in groten druck ende sericheit hoers herten. Als sie daer gecomen was, soe toech sie in die heerlicste12)

herberge die in der stat was. Ende daer viel sie van groten drucke te bedde, also datmen niet en wiste dan dat sie sterven solde. Doe ontboet sie here iohan brinckerinck onsen vader dat hij comen solde ende hoeren hoer die bijcht. Doe ontboet hij hoer weder ❘ hij en plege der werliker luyde bijcht niet te horen. Hij was op dat pas toe deventer ❘ ende als ‖+die bade en wech was, soe toech hij haestelike weder ten diepenveen. Ende sie en liet niet of ende ontboedet hem anderweerf· ende doe waert den baden gesecht dat hij daer niet en weer. Ende rechtevoert als here iohan onse vader ten diepenveen gecomen was tusschen vj ende vij uren des avendes Doe liet hij suster salomee tot hem halen ende segede hoer sine bangicheit, die hij hadde van hore moder ende van hoer Ende segede hoer dat hoer moder leghe in doetliker noet1) Ende dat sie seghe hoe dat siet maecte· hij en wolde geene saeke hoers dods2) wesen. Doe waert sie alte hertelike3) seer bestoeten4) in der naturen, alst gien wonder en was+Mer sie bleef starck ende stant- ‖ hactich5) in den gemoede Ende sie segede hem weder: ‘here, ist dat ick troest of toverlaet6) tot u heben mach, soe en sal my vrent of maech7) van diepenveen scheyden.’ Doe segede hij: ‘salome, ist dat gy ten diepen veen blijvet, soe sal ic u doen al dat in mijnre macht is als myn eygen kint.’ Doe genc sie wal getroestet van hem ende starck van gemoede.

- Die moder en liet noch niet of ende ontboet hore dochter salomee dat sie tot hoer queme· sie moste sie ummer spreken, eer sie storve. Doe ontboet sij hore moder weder ❘ wolde sij sie mit alsulker vrentschap weder laten van hoer scheyden, als sij tot hoer queme· soe wolde sie comen,+mer anders niet. Doe ontboet sij ‖ hoer weder8) ❘ want het anders niet wesen en mochte, soe soldet also geschien: sie solde ummer tot hoer comen. Doe toech sij tot hore moder myt suster griete greevena), die op die tijt meystersche was. Ende hoer moder hadde éne nacht ende twie daghe gelegen datmen hoer die keerse in die hant hieltb) Ende sie en wisten niet van tijden toe tijden dan dat sij sterven solde. Mer doe sij salomee hoer dochter sach, soe begonde sij hoer op toe richten Ende liet9) byna,

als of sij van der doet verwecket was· van welken hem al dat volck+verwonderden, dat in der camer was. Doe begonde sie hore ‖ dochter te clagen, wat lijden dat sie hoer andede. Doe segede sie: ‘wanne, moder1), laet ons van genoechten callen· ende laet dese dinge varen! Ende laet ons te samen wat eten, wi heben lange gevastet ❘’ - want het was doe des saterdages in die quatertemper -. Doe eten sie seer mynlike te samen, also dat sie te hant opstont van den bedde. Ende des anderen dages gengen sie te samen te kercken. Ende als sij in der kercken weren, soe worden daer voel myssen2), want het was soendach. Doe stont die moder op hoer voete, als werlike luyde plegen Ende sie hadde geerne+gehad dat salome hoer dochter ock also hadde gedaen. Mer ‖ suster salomee ende suster griete greven sloegen hem neder3), als geesteliken luuden toe behoert. Ende sie stont vaste ende toech sie dat sij hoer op solde richten ❘ ende suster salomee wees hoer dat sie hoer solde laten genoegen4)· doe5) liet sie ten lesten of. Ende suster salome bleef vier dage by hore moder, mer des nachtes genck sij slapen toe meyster gerijts huys. Ende als sij aldus by hore moder was· soe legede sij6) hoer noch al7) an dat sie mit hoer solde varen Ende wolde sie yoe8) onsen lieven heren dienen, dat sie hoer dan daele9) sloege10) ende bleve soe myt hoer ❘ of

genge daer1) in een cloester Of wolde sie in die werlt blijven, sie wolde+sie begoeden2) boven al hoer kindera). Mer ‖ salomee bleef vaste ende stanthachtich3) Ende segede dat sie nummer van diepenveen en wolde scheyden· wat hoer ock over queme. Ende als dese strijt lange duyrde ende geen eynde en nam, soe waert dat schip riede. Ende als sij dan toe schepe solde gaen· soe genck salomee mede ende brachte hoer moder te schepe Ende noch onder wegen en liet die moder niet of hoer dochter toe besmeyken. Ende als sij in dat schip solde treden· soe greep sij hoer dochter salomee in den arm ❘ om sie myt gewelt in dat schip te trecken Ende daer was een seer groet strijt ende eenb) swaer scheyden. Ende doe die moder sach dattet al omme niet was ❘ soe beswoegede4) sie hore+dochter5) so stijf ‖ omme den hals Dat die schip luyde sij hoer myt gewelt ende mit grote cracht vanden6) hals mosten breken Ende also droegen sij sie int schip ende vuren daer mede heen Ende suster salomee kierde weder ten diepenveen. Ende als onse vader here iohan hoerde dat sie gecomen was· soe genck hij tot hoer ende was hoer seer troestelijc ende doegentlijc. Ende alle die susteren weren seer verblijt, om dat sie so groten victorie hadde gehad Ende sie hadden hoer trouwelijc helpen strijden myt horen gebede. Ende ene corte tijt hijr na so liet sij onse weerdige vader int slot7). Ende int yaer ons heren m cccc ende xvj des++dages na sante ‖ servaesc) nam sie die hillige oerde and) ❘ ende genck voert in allen doechden In gehoersamheit, in gelatenheit, in sterven8) ende wtgaen hoers selves Ende was bereyt tot allen oetmodigen ende swaren werke nacht ende dach sonder croenen9). Ende sie genck alte geerne te choer, alst hoer boeren10) mochte. Ende ock plach si den

sieken alte trouwelike by te staen ende nacht ende dach sij trouwelijc te helpen boeren· wat sieckte sie ock hadden. Ende sie en spaerde hoer selven1) in gienen dingen· also dat sie gebreck creech dat sie op ij crucken moste gaen Mer nochtans dede sie al dat sij vermochte2). Sie+heeft gestreden ende geleden ende heeft ‖ den loep hoers levens zalichlike vollenbracht Int iaer ons heren m cccc ende ija) op des hilligen cruces+dach, alst gewonden3) waertb).


Vorige Volgende

Over het gehele werk

plaatsen


Over dit hoofdstuk/artikel

auteurs