Utrechts zang-prieeltjen

Drinck Liedeken.

Stemme: Tous les soldats de france.

L Aet ons een deuntje singhen,
Vol soe van soe, soe, soe, soe soetigheydt,
En, en, en ,en, met vreughden drincken,
't Nat dat Ba, Ba, Ba, Ba Bachus schreyt,
Men mach wel vrolijck wesen,
Het zy by Wijn, of Bier,
Niet gulsigh: maer met maten,
Te maken goe, goe, goe, goe goede cier.

2 Ghebuer ick sal 't u brenghen,
't Glaesje to, to, to, to, tot den boom,
Wi, wi, wi, wilt het vry verwachten,

[p. 268]

 

Hiet het we, we, we, we wellekoom:

 

't Is maer een proper teughje,

 

Gheen groote kroes, noch sluyt,

 

Segh maer stap wech, laet komen,

 

Ick mach het me, me, me, me wel uyt.

 

 

 

3 Sie daer dat gaetje voren,

 

Siet eens hoe, hoe, hoe, hoe, hoe ick 't maeck,

 

Sie, sie, sie, sie, sie, siet hem swelghen,

 

't Heeft een hu, hu, hu, hu hupse smaeck,

 

Nu weder om gheschoncken,

 

Vol inde reedlijckheydt:

 

Soo meught ghy 't glas ontfanghen,

 

En wacker doe, doe, doe, doe, doen bescheydt.

Al met ma ma ma ma maten.