De Tsjerne. Jaargang 21

[p. 450]

Anne Hellinga:

Wissens

as ik in swarte wein sjoch
tink ik oan myn lêste ûren

de lykauto fan it krematorium

ien kear sil ik
mei men hoopje
achter de rêch fan de sjauffeur
tusken seis planken lizze

ier of let

ik bin binijd
hwant soms komt de dea
jin mar raer oer it mêd

ien saek lykwols
kin ik wis fan wêze

as it moai waer wurdt
sil myn famylje
in aerdige reis hawwe.

[p. 451]

Sirkel

doe't ik wekker waerd
wie heit der ou
en hie myn mem de wask al dien

doe't de jonge wekker waerd
wie ik der ou
en hie myn frou de wask al dien

doe't it jonkje wekker waerd
wie hy der ou
en hie syn wiif de wask al dien

doe't

jawis it is in sirkel
sonder hope op in ein.