De Tsjerne. Jaargang 21

[p. 302]

Jelle de Jong:
De leste tsien minuten

it spilet op in show-boat om fryslân

Ik bin de man-mei-de-moaije-wurden-dêr't-jim-

mem-sa-op-skold

ik bin alles hwat raer is
ik wol hwat graefwurk dwaen
dyn woartels út 'e boaijem spitte
myn earmen lâns dyn stâlle teare

ik spylje noch ien kear in solo foar dy
in ymprovisaesje
kundigje dou it nûmer mar oan:

dit is de show-boat fan lemmer nei lauwers
oan board is it sirkusorkest fan tsjalhuzum
hja spylje noch tsien minuten
der is dus noch tiid
en nou kin 't bigjinne:
tsien minuten drumme
tsien minuten slachwurk
tien minuten hell

wy dounsje in griene rokk 'n roll
wy hawwe in kening en in bastrompet
en hiele rychjes fotoos
de âldste - dat bin ik
ik bin de forrieder út archy and bell
ik bin de opiumsmoker út baby-doll
de sûper út heaven and hell
ik bin de gemiene

mar in show is in feest
en dêrom mei 'k meidwaen
ik soargje foar drama tragyk foar it slachwurk

de tsjinmelodij' en de kakofony

jimmy de giele
arthur de swarte
richard de slangedeader
ik bin de Dieder

[p. 303]

 

dou bast in maskeradepakje oan

 

in sylboat en ik bin de teekner

 

in roeiboat en ik lit my farkje

 

myn dream is pepier

 

de sliep is myn haven

 

my heaven

 

my dreamline

 

 

 

noch tsien minuten?

 

en wy lizze op 'e hichte fan harns?

 

 

 

dêr is de poarte fan woarkum

 

de oerstappershaven

 

hjir moatstou oan lân

 

en ik sjoch dy -

 

 

 

hwer sjoch ik dy wer?

 

 

 

ik sjoch dy wer yn 'e jazzband

 

jimmy de giele (tink om it slachwurk)

 

ik sjoch dy wer as in musical-lady

 

arthur de swarte

 

ik sjoch dy wer as De Vrouw Uit Het Oerwoud

 

richard de slangedeader

 

ik bin de Dieder

pelysje (doek)