De Tsjerne. Jaargang 21

[p. 186]

Tiny Mulder:
In jampot mei toarnderkes

I

in jampot mei in toarnderke
in kraeltsje kroas
is foar de sike
de mar fan genève
de giele sé

de dichter bisiket
de mar fan genève
de giele sé
hânfêst to jitten
yn in jampot mei in toanderke
in kraeltsje kroas

II

it is ús beide

om dyn hert to rêdden

de dea en my

slaende deilis

[p. 187]

III

de sé sa great! is 't wier?
myn finger tipt de tonger
oan de kym
bliksem! in blier

IV

greate broer gefaer

ik in pjut? en dou?
sei de mûs tsjin de slange
ik kin dy yn
myn pupil ommers fange

[p. 188]

V

op wrâlds drokste hoeke
broadway - 42nd street
stiet al jierren op wacht
ien dy't wachtet
oant de Hear komt
op wrâlds drokste hoeke
broadway - 42nd street

VI

neist de wache riger
yn bibeitele lykwicht
stean oan de sleat
bifongen sjen hwat hy sjocht
lichtwol
neat

[p. 189]

VII

in memoriam

dit gedicht
skept dyn gesicht
ik sil dy út myn brein bifrije
ik kin dy net mear
foar my krije