De Tsjerne. Jaargang 21

[p. 122]

Tiny Mulder:

Flora fan de glezen wrald

mei liep bilazerjen
fan de chrysanten
mei ljocht en atmosfear
dy't ik alhiel bihearskje
sei de hear
dy't blommen kweekt yn kassen
binn' wy yn steat
om alle breiden alle grêven
yn europa to toaijen
mei chrysanten
it hiele jier
mar wol is dan sa'n plant
yn ien kear dea

hy joech my in boeket
nou steane se bilazere
to pronk jen yn myn fazen
en geurje yn de maitiid
nei de hjerst

biminliken wy wurde âld
as flora yn de glêzen wrâld
bilazere mei waermte en ljocht
op 't moaiste fan de woartel ropt
mar noait fan echt to ûnderskieden
it warleas moai
moat pronkjend bliede
biminliken
biminde dwazen

[p. 123]

Merke

loftfytse en luchthappe
foar tsientsje simson
en ezau úthingje
lâns ljochtspoarsirkels
giselje om de sterke man
en de dikke dame
jin forwûnderjend de soargen ringje
strain your necks folks
up with the stars
we the carefree

en nachts
as de feesttoeters skrieme
en de luchthertige ballonnen knappe
koart om de bêdshoeke krieme
en útflamjend beare
dat de útwenne matras
as in fleanend tapyt
by spesiale graesje fan ús heare
mei flamjende útlit
giel en blau
sirkelet om dit suffe
flatgebou

[p. 124]

Skyn

de frou

dy't de bakker bitellet

de frou

dy't de woartels skrabet

de frou

dy't in trui breidet

de frou

dy't in gedicht bitocht

binne skyngestalten fan
de frou

dy't nei dy sjocht