De Tsjerne. Jaargang 21

[p. 84]

Anne Hellinga:

Earder al

libben is it symboal fan de dea
hjoed of moarn?

mar nou al ommers
bin ik myn eigen fantoom

ik smyt mysels gewillich
foar de wolven
dy't myn fleis oan stikken skuorre

as myn hert bleat leit
sille myn leafsten gûle

triennen rôlje yn it hjitte sân
fan myn woestyn

yn in wolk fan wetterdamp
sil ik fordwine

allinne noch hwat wolvekeutels
oan de rânne fan in bosk.

Halleluja

oars net om to brekken
as twa hannen
en hwat tiid

fiif linzen dagen
en twa foar hûs en tún en wiif

lykwols
loovje de deil

hwant yn de nacht
hast oars net om to brekken
as twa wjukken oan in neaken lea

halleluja.