De Tsjerne. Jaargang 21

[p. 63]

[Nummer 2]

Durk van der Ploeg:

Myn bureau ut 1910

Op myn bureau út 1910,
In erfstik fan de kâlde styl,
Hwat fotoos en hwat blommen,
In brievestander foar de stommen
En noch in wurdboek, swier debyl.

Oan myn bureau, samar kadeau,
In ertstik fan de kâlde styl,
Ha timmerlju en amtners sitten,
Miskien al dea, mar bûten witten
De laden garren spikers, brieven en fintyl.

Foar myn bureau út 1910,
De gloarjetiden bin forgien,
Leit breedút mei de eagen sletten
In swiere facht, de bear is sketten;
Dat hal in earder eigner dien.

Yn myn bureau, fan kunde krige,
Sparje ik fersen rige oan rige;
Ik bou in proazamausoleum
Foar Scholtens Literair Museum.
Dat krijt de hiele bringst kadeau,
Kompleet mei wurdboek en bureau.

[p. 64]

Dit is in gedicht foar de deaden

Dit is in gedicht foar de deaden:
De witen, de swarten, de readen.
It komt net sa krekt
Yn de grêven dêr lekt
Noch it waerme bloed fan de kweaden.

Dit is in gedicht foar de deaden:
De minnen, de bêsten, de kweaden.
It komt net sa krekt
Yn de grêven dêr stekt
Noch de lodde ûnder de seaden.

Dit is in gedicht foar de deaden:
De dommen, de liepen, gelearden.
It komt net sa krekt
Yn de grêven dêr sprekt
Men tsjin elkoar as forhearden.

Dit is in gedicht foar de deaden:
De frommen, de heidens, bikearden.
It komt net sa krekt
Yn de grêven dêr brekt
Men de bonken noch oer de forkearden.

[p. 65]

Starker tabak

It wie yn '43 tink, doe ha
Us pake en ús heit tabak forboud: Virginia
Sa't hiet fan Amersfoartske planten.
Wy snijden jouns de blêdden fyn op kranten
Birûllen de tabak yn 't Evangely
En yn in wurdboek, dat fan Prick van Wely.
't Vokabulaire wie dochs biheind
En Iepenbieringen waerd net mear lêzen,
Wy lieten de Apokalypse wol yn syn wêzen.
Dat giet sa as it mei de kriich net eint.

Mar tiden hawwe tiden: sjoch op moarn.
Pake dea. Myn heit (1907)
Wie sljocht op Amersfoartske sjek,
Mar kom dêr nou ris om, gjin bek;
Virginia fan 't bêste soarte. What do you know?
Jow my mar wer in swieren fan 'e widdou.

[p. 66]

Dit is de folsleine romte

Dit is de folsleine
Romte
Leaf to hawwen
Boartsje to kinnen
Inoar to forfelen
Sûnder tv
Sûnder auto
Sûnder kultuer

Ik wol in hûs
Foar dy bouwe
In hûs foar de rein
In hûs foar de winter
In hûs foar de dea

Der binne fiere
Birjochten
Fan frede
Fan gefaer
It hert in
Transistor
Dat heaze stasions
Opheint út de
Ether

Kom, ik draech
De stiennen nei it fjild.