De Tsjerne. Jaargang 19

[p. 383]

1 - 2 - 3 - 5 - 7 - 11 - 13 - 17 - 19 - 23 - 29 - 31 - 37 - 41 - 43 - 47 -

Helen Spalding:
Lit us nou priizgje de prymgetallen

út New Poems, 1960

Lit ús nou priizgje de prymgetallen
Mei de heiten dy't ús wounen:
Macht en eigen gloarje fan 'e prymgetallen
Is dat neat har woun,
Gjin foarfaers, gjin faktoaren,
Adams mank de formannichfâldige slachten.

Nimmen kin har komst foarsizze.
Tusken de ordinale telwurden
Dogge hja net oan plakbisprek, hja forskine hommels.
Yn 'e rige fan 'e kardinale tallen
Komme hja op as wûnderbaerlike bistroppen,
Elts foar oar absolút, net nei to kommen, autonoom.

Yn it bigjin, dêr't de chaos
Ophâldt en it nulpunt fordwynt,
Forkringe hja har op 'e foargroun oerdiedich as de bosk,
Mar fierderop forsilje hja,
Op greate ôfstân ont ûneinichheit
Wurde hja selsum as ienkearige kometen.

O prym ymprobabile tallen,
Lang meije de formulejagers
Dampe ta abstraksje, forgrieme oan it skema forduld'gens:
Bliuw non-conformist, in pleach,
Fenomenen ûnherliedber
Ta systeem, folchoarder, patroan of forklearring.

(oersetting H.Tj. Piebenga)

53 - 59 - 61 - 67 - 71 - 73 - 79 - 83 - 89 - 97 - 101 - 103 - 109 - 115-