De Tsjerne. Jaargang 19

[p. 328]

Jan Eisinga:
Smoke

Wier, dizze wrâld
bin ik net brek;
ik smook my wol
in oarenien fan lichte reek,
myn eigen.

Ik smook my in frou
oars as dy, ien
dystou net binei komme kinst
yn tûzen en mear
heimich driuwende foarmen
fan ljochte reek.

Ik smook my de holle dwyl
mei tinzen, dy't net doge,
hwat jowt it allegearre,
ik bin dizich bliid
en stop je de lêste piip.

Ik smook yn wolkens
fan sêfte reek
mysels tobarsten.