De Tsjerne. Jaargang 19

[p. 278]

Sjoerd Spanninga:

De iene is de oare net

Nou is dit wol in frjemd forhael
dat jow ik jo gelyk
mar op de achtste skeppingsdei
doe skoep de Hear de klyk
nei adam mei syn sleauwe kop
en eva yn it neaken jak
kaem it de skepper yn it sin
hy hie noch hwat forgetten
en doe wie 't út mei hiel de rêst
en die er wer opnij syn bêst
mar wie it oare goed biteard
dit stik bitearde bryk
soks stiet net yn de bibel né
dat jow ik jo gelyk
mar op de achtste skeppingsdei
doe skoep de Hear de klyk
it hat him ivich muoid wo'k ha
en smar him dizze bak
hy lei der op 'e knibbels by
as stie er earst in amerij
to wifkjen en yn wetten
doe naem de Hear in hânfol slyk
en bloes der oer en spij der op
en makke de komyk
mar dit hat wol fortuten dien
dat jow ik jo gelyk
hwant dy hat nou it lêste wurd
en set de tsjerke noch foar skut
sa sjocht men dat in raer forsin
de minsken it gebet soms leart
as 't hert him nei de mûle keart
by sjappytou en sjevaljé
en dat is har gewin
sont taelt gjin kristen mear nei smaed
de sinne skynt yn 't jiskelaed
om koart to gean mei dit korael
hwat wille komt ús ta
oars rekket men yn 't kwea bistive
wy baeije net troch 't wetterlân
en hâld in stien foar ús privé

[p. 279]

 

lit stean de blabber en it sân

 

kin men de dyk der mei gerive

 

mar lyk as ik al trijeris sei

 

't wie op de achtste skeppingsdei

 

doe skoep de Hear de klyk -

 

hwat earder jo en my.

De luchtskippers

Hwat jofele jonges dy't sindelik tochten
en bleat foar 't fatsoen soms har rude forkochten
dy hiene harsels op in kear slim to pakken
doe't hja ris in loftreis nei koaridon makken
sú tsjok stie de dize dochs foar de propeller
dat neffens pyt-snot of de achte forteller
wist langer gjin skepsel mear hwer't men bidarre
lykwols hat it lot harren wûnderlik sparre
mar 't die him gjin nij kwant sa liet er my hearre
hwa't sindelik stjonkt moat ek sindelik stjerre
wy libje net mear yn de tiid fan de goten
dus socht men syn heil op it fleanfjild fan kloten.

[p. 280]

Stoomkarrousel

Wy draeije mar mei yn de âld karrousel
it hynstefolk hobbelt de baen op en del
se drave de rit wer fannijs yn it roun
as siet men jinsels efternei dizze joun
dochs ride der ek yn in staesjekaros
't fluwiel op 'e rêch en it jild nei de jas
wylst skommelje boaten as wie men op sé
of sjocht ien binaud siet hja stil op 'e plé
hwa makket nou spul yn it rûzich publyk
in lummel gril wylder noch as syn komyk
soms helpt men in fanke en weaget in gok
hja laket foreale de hân op 'e rok
mar hwat bliksem is dit foar in maetskippij
hat hitler der faeks wer in krantewyk by
dêr sit de forrieder fan siger en detsje
fordomme wer breed mei de kont op it kedtsje
en mûlk hat it allegear neat to bitsjutten
mar 't oargel dat spilet mei hannen en fuotten
it slacht op 'e tromme by pauk en triangel
sa hellet men ús muzikael troch de mangel
wy draeije mar mei yn de âld karrousel
it hynstefolk hobbelt de baen op en del
se drave de rit wer fannijs yn it roun
as siet men jinsels efternei dizze joun.