De Tsjerne. Jaargang 19

[p. 233]

Jan Dotinga:
Psalm 96

Sjong de Hear' op oare wize,
mei lûden farsk en frjemd.
Priizgje Syn namm' yn elektronyske
klanken, blaes de bazún fan Syn heit
by nacht en by dei.

Liz Syn wurd fan hearlikheit
ûnder de folken, bring it dynamyt
fan Syn almacht oan.
Hy hat it lûd Syn trilling jown,
Syn namm' is it neamen weardich.
Masines âlje om 'e nocht en
yn it tsjuster hâlde de minsken
in greatspraek, mar de Heare
spande it ljocht.

Foar Syn oantlit ûntweitsje de lûden
en tekens, de krêft en de pracht
fan it wûnder.
Bibak Syn namm' yn it porslein.
Earje Him op it spandoek fan it protest.
Djipje Syn namm' op út it ritme
fan de drums.
Rop ûnder de rassen Syn keninkryk om,
hwant Hy spegelt de lierde oan Syn leafde
en de folken leit Er yn Syn each toplak.

Lit it lûden reine ta Syn ear.
Lit der blommen waechse foar de Hear.
Séen bihearskje Syn folheit net mear.

De lannen brekke iepen fan freugde
en de beammen skatterje.
Hy komt,
Hy komt om de ierd' oerein to setten,
om de folken flaggen fan frede to jaen.